India Africa ODI Series sanju Samson batting India lose ysh 95 | Loksatta

भारत-द.आफ्रिका एकदिवसीय मालिका : सॅमसनच्या झुंजीनंतरही भारताचा पराभव

संजू सॅमसनच्या (६३ चेंडूंत नाबाद ८६ धावा) झुंजार खेळीनंतरही गुरुवारी दक्षिण आफ्रिकेविरुद्धच्या पहिल्या एकदिवसीय क्रिकेट सामन्यात भारतीय संघाला पराभव पत्करावा लागला.

भारत-द.आफ्रिका एकदिवसीय मालिका : सॅमसनच्या झुंजीनंतरही भारताचा पराभव
सॅमसनच्या झुंजीनंतरही भारताचा पराभव

पहिल्या सामन्यात आफ्रिकेचा नऊ धावांनी विजय; मिलर, क्लासनची निर्णायक अर्धशतके

पीटीआय, लखनऊ : संजू सॅमसनच्या (६३ चेंडूंत नाबाद ८६ धावा) झुंजार खेळीनंतरही गुरुवारी दक्षिण आफ्रिकेविरुद्धच्या पहिल्या एकदिवसीय क्रिकेट सामन्यात भारतीय संघाला पराभव पत्करावा लागला. आफ्रिकेने या सामन्यात नऊ धावांनी निसटता विजय मिळवत तीन सामन्यांच्या मालिकेत १-० अशी आघाडी घेतली.

लखनऊ येथे झालेल्या या सामन्यात पावसाने व्यत्यय आणला. पावसामुळे सामना निर्धारित वेळेपेक्षा दोन तास उशिराने सुरु झाला. त्यामुळे सामना ४०-४० षटकांचा करण्यात आला. भारताचा कर्णधार शिखर धवनने नाणेफेक जिंकून प्रथम गोलंदाजी स्वीकारल्यानंतर आफ्रिकेने ४ बाद २४९ अशी धावसंख्या केली. प्रत्युत्तरात भारताला ४० षटकांत ८ बाद २४० धावांपर्यंतच पोहोचता आले. अखेरच्या षटकात ३१ धावांची आवश्यकता असताना सॅमसनने तबरेझ शम्सीच्या गोलंदाजीवर तीन चौकार आणि एका षटकार मारले. मात्र, त्यानंतरही भारताला पराभवाचा सामना करावा लागला. सॅमसनने कारकीर्दीतील सर्वोत्तम नाबाद ८६ धावांची खेळी करताना नऊ चौकार आणि तीन षटकार मारले.

तत्पूर्वी, आफ्रिकेच्या डावाची सुरुवात फारशी चांगली झाली नाही. शार्दूल ठाकूरने यानेमन मलान (२२) आणि कर्णधार टेम्बा बव्हुमा (८) यांना, तर कुलदीप यादवने एडीन मार्करमला (०) माघारी पाठवले. क्विंटन डीकॉक ५४ चेंडूंत ४८ धावा करून रवी बिश्नोईच्या गोलंदाजीवर बाद झाला. त्यामुळे आफ्रिकेची ४ बाद ११० अशी स्थिती होती. यानंतर डेव्हिड मिलर (६३ चेंडूंत ७५) आणि हेनरिक क्लासन (६५ चेंडूंत ७४) यांनी १३९ धावांची अभेद्य भागीदारी रचत आफ्रिकेला २५० धावांसमीप नेले.

प्रत्युत्तरात भारताचे आघाडीच्या फळीतील शिखर धवन (४), शुभमन गिल (३), ऋतुराज गायकवाड (१९) आणि इशान किशन (२०) हे फलंदाज अपयशी ठरले. यानंतर मुंबईकर श्रेयस अय्यर (३७ चेंडूंत ५०) आणि सॅमसन यांनी ६७ धावांची भागीदारी रचत भारताचा डाव सावरला. श्रेयस बाद झाल्यावर सॅमसनला शार्दूलची (३१ चेंडूंत ३३) साथ लाभली. मात्र, शार्दूल माघारी परतल्यानंतर सॅमसनने एकाकी झुंज दिली.

संक्षिप्त धावफलक

दक्षिण आफ्रिका : ४० षटकांत ४ बाद २४९ (डेव्हिड मिलर ७५, हेनरिक क्लासन ७४; शार्दूल ठाकूर २/३५) विजयी वि. भारत : ४० षटकांत ८ बाद २४० (संजू सॅमसन ८६, श्रेयस अय्यर ५०; लुंगी एन्गिडी ३/५२)

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
गतविजेत्या दबंग दिल्लीपुढे यू मुम्बाचे आव्हान; प्रो कबड्डीचा नववा हंगाम आजपासून

संबंधित बातम्या

पाकिस्तानच्या पराभावाचा भारताला फायदा! World Test Championship च्या अंतिम फेरीचा मार्ग सुखकर; पाहा Points Table
FIFA WC 2022: विश्वचषकातील पहिले पेनल्टी शूटआऊट! जपानवर मात करत क्रोएशिया सलग दुसऱ्यांदा क्वार्टर-फायनलमध्ये दाखल
विश्लेषण : इंग्लंडच्या ‘बॅझबॉल’ शैलीमुळे कसोटी क्रिकेटला संजीवनी मिळू शकते का? ही शैली नेमकी काय आहे?
IND vs PAK: सचिन तेंडुलकरच्या वादग्रस्त रनआऊटबाबत वसीम अक्रमचा धक्कादायक खुलासा; म्हणाला, ‘ब्रेकच्या वेळी…’
IND vs BAN: आधीच उल्हास त्यात फाल्गुनमास! बांगलादेशने जिरवली आणि रोहित सेनेच्या खिशाला कात्री

व्हिडिओ

ताज्या बातम्या
निर्माते राज कुमार बडजात्या यांची ‘ही’ होती शेवटची इच्छा; आठवण सांगताना सचिन पिळगांवकरांना अश्रू अनावर
“हेच त्यांचे देशप्रेम का? राज्यावरील बेगडी प्रेम त्यांच्या…”; मोदी भेटीनंतर CM शिंदेंचा उद्धव ठाकरेंना टोला! ‘मविआ’च्या मोर्चावरही बोलले
“पंतप्रधान मोदींची पत्रकार परिषद नाही, तर मुलाखत होते”, सुषमा अंधारेंची खोचक टीका; म्हणाल्या, “भाजपाच्या एकाही विद्वानाने…”
…अन् मित्र हातात कापलेलं शीर घेऊन काढू लागले सेल्फी; धक्कादायक घटनेने पोलीसही चक्रावले
कुराण, इस्लामचा संदर्भ देत सुषमा अंधारेंचा अब्दुल सत्तारांवर हल्लाबोल, म्हणाल्या “जर हिंदू असतील तर…”