भारतीय हॉकी संघाने युरोप दौऱ्यात डच हॉकी क्लबला ३-३ असे बरोबरीत रोखले. नेदरलँड्समध्ये हा सामना आयोजित करण्यात आला होता. आगामी विश्वचषक स्पर्धेसाठी पूर्वतयारी म्हणून हा दौरा आयोजित करण्यात आला आहे. डच क्लबने २४ व्या मिनिटालाच २-० अशी आघाडी घेतली होती. मात्र त्यानंतर वेगवान चाली करीत हा सामना अनिर्णित ठेवण्यात भारतास यश मिळाले. भारताचा ड्रॅगफ्लिकर रुपींदरपाल सिंग याने सामन्याच्या ५० व्या मिनिटाला पेनल्टी कॉर्नरद्वारा संघाचे खाते उघडले. पाठोपाठ निक्किन थिमय्या याने ५६ व्या मिनिटाला गोल करीत २-२ अशी बरोबरी साधली. ६३ व्या मिनिटाला व्ही. आर. रघुनाथ याने पेनल्टी कॉर्नरचे गोलात रूपांतर करीत भारताची ३-२ आघाडी अशी वाढवली. मात्र पुढच्याच मिनिटाला डच क्लबने बरोबरी साधली.