भारतीय पुरुष हॉकी संघाने ऑस्ट्रेलियाला कडवी लढत दिली खरी, पण त्यांना हॉकी कसोटी मालिकेतील पहिल्या सामन्यात ०-४ अशा पराभवाला सामोरे जावे लागले. पहिल्या मिनिटापासूनच दोन्ही संघांनी आक्रमक खेळाचे प्रदर्शन करत प्रतिस्पध्र्याच्या बचाव फळीसमोरील दडपणात भर घातली. पण ऑस्ट्रेलियाने चार गोल लगावत भारतावर वर्चस्व गाजवले.
ऑस्ट्रेलियाकडून जेरेमी हेवर्ड, जेकब व्हेटन, जेरेमी एडवर्ड्स आणि ग्लेन सिम्पसन यांनी गोल केले. चार सामन्यांच्या या कसोटी मालिकेतील दुसरा सामना बुधवारी होणार आहे.