Rohit Sharma’s Insta Story Viral : रोहित शर्माच्या नेतृत्वाखाली युवा खेळाडूंचा समावेश असलेला संघ इंग्लंडविरुद्ध खेळत आहे. या मालिकेत टीम इंडियाकडे २-१ अशी आघाडी आहे. मालिकेतील तिसरा सामना राजकोटच्या निरंजन शाह स्टेडियमवर खेळला गेला. या सामन्यात टीम इंडियाने ४३४ धावांनी विजय मिळवला. भारतीय क्रिकेटच्या इतिहासातील हा सर्वात मोठा कसोटी विजय आहे. या विजयानंतर भारतीय कर्णधार रोहित शर्माने सोशल मीडियावर एक पोस्ट केली आहे, जी चांगलीच व्हायरल होत आहे.

कर्णधार रोहित शर्माची पोस्ट व्हायरल –

कर्णधार रोहित शर्माने नुकतीच त्याच्या इन्स्टाग्राम अकाउंटवर एक स्टोरी शेअर केली आहे. या इन्स्टाग्राम स्टोरीमध्ये रोहित शर्माने यशस्वी जैस्वाल, सर्फराझ खान आणि ध्रुव जुरेल यांचा फोटो शेअर केला असून या फोटोसोबत त्याने लिहिले आहे की, ‘ही आजकालची मुलं.’ खरंतर, रोहित शर्माने या तिन्ही खेळाडूंचे कौतुक करताना हा फोटो शेअर केला आहे. या तिन्ही खेळाडूंनी राजकोट कसोटीत चमकदार कामगिरी केली होती.

IPL 2024 Punjab Kings vs Mumbai Indians Match Updates in Marathi
IPL 2024: आशुतोष शर्माची आयपीएलमध्ये ऐतिहासिक कामगिरी, १७ वर्षांच्या इतिहासात ही कामगिरी करणारा ठरला पहिला भारतीय खेळाडू
IPL 2024 Gujarat Titans vs Delhi Capitals Match Updates in Marathi
IPL 2024: ‘तू वेडा आहेस का?’ लाइव्ह मॅचमध्ये आपल्याच संघातील खेळाडूवर कुलदीप यादव भडकला, पंतने असं शांत केलं प्रकरण; पाहा VIDEO
Rohit Sharma Talking about his retirement in the Breakfast with Champions show
रोहित शर्मा कधी म्हणणार क्रिकेटला अलविदा? हिटमॅनने निवृत्तीबाबत केलं मोठं वक्तव्य
Rohit sharma speech in Mumbai Indians Dressing Room Video MI vs DC
IPL 2024: ‘वैयक्तिक कामगिरी, विक्रम फारसे महत्त्वाचे नाहीत…’, रोहित शर्माने मुंबईच्या विजयानंतर ड्रेसिंग रूममध्ये खेळाडूंशी साधला संवाद

यशस्वी जैस्वालने झळकावले द्विशतक –

या सामन्याच्या दुसऱ्या डावात यशस्वी जैस्वालने द्विशतक झळकावले होते. या डावात यशस्वी जैस्वालने २३६ चेंडूत नाबाद २१४ धावा केल्या. यादरम्यान यशस्वी जैस्वालने १४ चौकार आणि १२ षटकार मारले. यासह त्याने कसोटी सामन्याच्या एका डावात सर्वाधिक षटकार मारण्याच्या विश्वविक्रमाची बरोबरी केली आहे. यापूर्वी १९९६ मध्ये वसीम अक्रमने झिम्बाब्वेविरुद्धच्या कसोटी डावात १२ षटकार मारले होते.

हेही वाचा – IND vs ENG : ‘५०० ते ५०१ विकेट्स दरम्यान आमच्या आयुष्यात…’ अश्विनच्या कामगिरीबद्दल पत्नी प्रीतीची भावनिक पोस्ट

सर्फराझ खानने दोन्ही डावात झळकावली अर्धशतके –

सर्फराझ खानचा हा पहिलाच कसोटी सामना होता. पदार्पणाच्या सामन्यात त्याने अप्रतिम कामगिरी केली. सर्फराझ खानने दोन्ही डावात ५०हून अधिक धावा केल्या. त्याने पहिल्या डावात ६२ धावा केल्या, तर दुसऱ्या डावात ६८ धावा केल्यानंतर तो नाबाद राहिला. सर्फराझ खानसाठी हा विक्रम ठरला. याआधी भारतासाठी केवळ तीनच फलंदाज होते ज्यांनी पदार्पणाच्या कसोटी सामन्याच्या दोन्ही डावात ५०हून अधिक केल्या होत्या.

हेही वाचा – IND vs ENG 4th Test : जसप्रीत बुमराह रांची कसोटीचा भाग असणार नाही, जाणून घ्या काय आहे कारण?

ध्रुव जुरेलनेही सोडली आपली छाप –

सर्फराझ खानसह ध्रुव जुरेलचा हा पदार्पणाचा सामना होता. आपल्या कसोटी कारकिर्दीतील पहिल्याच डावात त्याने १०४ चेंडूंचा सामना केला आणि ४६ धावा केल्या. त्याचबरोबर त्याने विकेटकीपिंगमध्येही चाहत्यांची मने जिंकली. त्याने मोहम्मद सिराजने फेकलेल्या थ्रोवर बेन डकेटला अतिशय चपळाईने रनआऊट केले होते. ज्याचा व्हिडीओ सोशल मीडियावर तुफान व्हायरल झाला होता.