Video: चिडलेल्या कोहलीने बॅटने उडवली खुर्ची, IPL च्या आचारसंहितेचा भंग; मॅच रेफ्रींनी फटकारलं

IPL प्रशासनाने या प्रकाराची गंभीर दखल घेत कोहलीला आचारसंहितेच्या लेव्हल 1 गुन्हा 2.2 चे उल्लंघन केल्याप्रकरणी दोषी ठरवले. या नियमांतर्गत क्रिकेट उपकरणांशिवाय मैदानातील साहित्याचं नुकसान करणं अशा बाबींचा समावेश होतो. त्यानंतर मॅच रेफ्री व्ही. नारायण कुट्टी यांनी आयपीएलच्या आचारसंहितेचा भंग केल्याबद्दल विराट कोहलीला चांगलंच फटकारलं. नंतर आयपीएलनेही एका निवेदनाद्वारे याबाबत “विराट कोहलीने आयपीएल आचारसंहितेच्या लेव्हल 1 गुन्हा 2.2 चे उल्लंघन केल्याचे कबूल केले आहे. आचारसंहितेच्या लेव्हल 1 च्या उल्लंघनासाठी सामन्याच्या रेफ्रीचा निर्णय अंतिम आणि बंधनकारक आहे”, अशी माहिती दिली.

Think @imVkohli is a bit cross #IPL2021 pic.twitter.com/nzEtxry6ic
— simon hughes (@theanalyst) April 14, 2021

कालच्या हैदराबादविरुद्धच्या सामन्यात कोहलीने 29 चेडूंमध्ये 33 धावा केल्या. पण जेसन होल्डरने त्याला विजय शंकरकडे झेल द्यायला भाग पाडलं. नंतर मैदानाबाहेर जाताना कोहली रागात होता. त्याने डग आउटमध्ये ठेवलेल्या खुर्चीला बॅटने उडवण्याआधी एका जाहिरातीच्या फलकावरही बॅट मारली. बंगळुरूच्या संघाने हा सामना 6 धावांनी जिंकला, पण कोहलीचा हा व्हिडिओ सध्या सोशल मीडियावर व्हायरल होत आहे.