IPL 2024 Royal Challengers Bangalore vs Chennai Super Kings Highlights : रॉयल चॅलेंजर्स बंगळुरूने आयपीएल २०२४ च्या ६८ व्या सामन्यात चेन्नई सुपर किंग्जचा २७ धावांनी पराभव करून प्लेऑफमध्ये स्थान निश्चित केले. प्लेऑफसाठी पात्र ठरणारा आरसीबी हा चौथा संघ ठरला. बंगळुरूच्या एम. चिन्नास्वामी स्टेडियमवर झालेल्या सामन्यात प्रथम खेळताना आरसीबीने २० षटकांत ५ गडी गमावून २१८ धावा केल्या होत्या. यानंतर प्लेऑफसाठी पात्र ठरण्यासाठी बंगळुरूला चेन्नईला २०० धावांवर रोखायचे होते. म्हणजेच प्लेऑफ्समध्ये जाण्यासाठी आरसीबीला हा सामना १८ धावांनी जिंकावा लागणार होता. मात्र, आरसीबीने सीएसकेला १९१ धावांवर रोखत २७ धावांनी विजय मिळवला.
