PBKS vs LSG Highlights: सिंग इज किंग! लखनऊला नमवत पंजाबची गुणतालिकेत दुसऱ्या स्थानी झेप

आयपीएल २०२५ स्पर्धेतील ५४ वा सामना पंजाब किंग्ज आणि लखनऊ सुपर जायंट्स या दोन्ही संघांमध्ये पार पडला. या सामन्यात पंजाबचा संघ प्रथम फलंदाजी करण्यासाठी मैदानात आला. प्रथम फलंदाजी करताना प्रभसिमरन सिंगने ९४ धावांची शानदार खेळी केली. या खेळीच्या बळावर पंजाबने २० षटकांअखेर ५ गडी बाद २३६ धावांचा डोंगर उभारला. या धावांचा पाठलाग करण्यासाठी आलेल्या लखनऊ सुपर जायंट्स संघाला ७ गडी बाद १९९ धावांपर्यंत मजल मारता आली. पंजाबने हा सामना ३७ धावांनी आपल्या नावावर केला.

या सामन्यात रिषभ पंतला चांगली सुरूवात मिळाली होती. पण या सुरूवातीचा फायदा त्याला घेता आलेला नाही. तो या सामन्यातही स्वस्तात माघारी परतला आहे.

लखनऊला धावांचा पाठलाग करताना हवी तशी सुरूवात करता आलेली नाही. मिचेल मार्शनंतर एडन मार्करमही स्वस्तात माघारी परतला आहे.

या सामन्यात पंजाबचा सलामीवीर प्रभसिमनर सिंगने लखनऊच्या गोलंदाजांची चांगलीच धुलाई केली. यासह पंजाबने २० षटकांअखेर २३६ धावांचा डोंगर उभारला आहे. लखनऊला हा सामना जिंकण्यासाठी २३७ धावांची गरज आहे.

प्रभसिमरनसिंगच्या तुफान फटकेबाजीच्या बळावर पंजाबने २०० धावांचा पल्ला गाठला आहे.

पंजाबला तिसरा मोठा धक्का बसला आहे. अर्धशतकाच्या जवळ असताना श्रेयस अय्यर बाद होऊन माघारी परतला आहे. श्रेयस ४५ धावांवर माघारी परतला आहे.

पंजाबला दुसरा मोठा धक्का बसला आहे. जोस इंग्लिस बाद होऊन माघारी परतला आहे.