RR vs PBKS Highlights: सिंग इज किंग! राजस्थानला नमवत पंजाबचं प्लेऑफच्या दिशेनं महत्वाचं पाऊल

१८व्या षटकात दुसऱ्या चेंडूवर अझमतुल्ला ओमरझाईने हेटमायरला झेलबाद करवत राजस्थानला धक्का दिला. तर आता राजस्थानला १२ चेंडूत विजयासाठी ३० धावांची गरज आहे.

११ व्या अझमतुल्ला ओमरझाईने दुसऱ्याच चेंडूवर संजू सॅमसनला झेलबाद केलं. मार्काे यान्सन मागे धावत जाऊन त्याने एक अप्रतिम झेल टिपला. यासह पंजाब किंग्सने सामन्यात पुनरागमन केलं आहे. यासह ११ षटकांत राजस्थानने ३ बाद ११९ धावा केल्या आहेत.

राजस्थान रॉयल्सला वादळी सुरूवातीनंतर पाचव्या षटकात पहिला धक्का बसला आहे. पाचव्या षटकात हरप्रीत ब्रार गोलंदाजीसाठी आला आणि त्याने पंजाबला ब्रेकथ्रू मिळवून दिला. वैभव सूर्यवंशी १५ चेंडूत ४ चौकार आणि ४ षटकारांसह ४० धावा करत झेलबाद झाला. यासह राजस्थानने ५ षटकांत १ बाद ७६ धावा केल्या आहेत.

यशस्वी जैस्वालनंतर वैभव सूर्यवंशीने मार्काे यान्सनच्या गोलंदाजीवर फटकेबाजी केली. २ षटकार आणि एका चौकारासह १७ धावा कुटल्या आणि २ षटकांत ३९ धावा राजस्थानने केल्या आहेत.

पंजाब किंग्सचे फलंदाज नेहाल वढेरानंतर शशांक सिंग आणि अझमतुल्ला ओमरझाई यांनी वादळी फटकेबाजी करत राजस्थानच्या गोलंदाजांची धुलाई केली. १९ षटकांतच संघाने २०० धावांचा पल्ला गाठला होता. तर अखेरच्या षटकातील पहिल्याच चेंडूवर शशांकने षटकार लगावत चांगली सुरूवात केली. यानंतर चौकार आणि धावा घेत संघाला २१९ धावांपर्यंत नेले. यासह राजस्थानला विजयासाठी २२० धावांचे आव्हान दिले.

आकाश मधवालने १६व्या षटकातील अखेरच्या चेंडूवर नेहाल वढेराला हेटमायरकडून झेलबाद केलं. नेहाल वढेराने ३७ चेंडूत ५ चौकार आणि ५ षटकारांसह ७० धावा केल्या.

११ वे षटक टाकण्यासाठी रियान परागला गोलंदाजी सोपवली. त्याने ११ व्या षटकात श्रेयसला झेलबाद करवत राजस्थानला चौथी विकेट मिळवून दिली. श्रेयस २५ चेंडूत ३० धावा करत झेलबाद झाला.

पॉवरप्लेमध्ये राजस्थानने पंजाबला ३ विकेट्स घेत धक्के दिले. प्रियांश आर्य, मिचेल ओवेन, प्रभसिमरन सिंग झेलबाद झाले. यासह श्रेयस अय्यर आणि नेहाल वढेरा सध्या क्रीझवर असून पंजाबने ६ षटकांत ३ बाद ५८ धावा केल्या आहेत. संघाचे ३ विकेट्स गेले असले तरी त्यांच्या धावगतीला ब्रेक लागलेला नाही.

क्वेना मफाका तिसरे षटक टाकण्यासाठी आला. प्रभसिमरनने पहिल्याच दोन चेंडूवर दोन चौकार लगावत चांगली सुरूवात केली. तर बिग बॅश लीगचा हिरो असलेला मिचेल ओवेनला पंजाबने पदार्पणाची संधी दिली. पण तो खातेही न उघडता झेलबाद झाला.

फजलहक फारूकीच्या पहिल्याच षटकात प्रियांश आर्यने पहिल्या चेंडूवर चौकार लगावत सुरूवात केली. तर प्रभसिमरन सिंगनेही सामन्यातील पहिल्या चेंडूवर चौकार लगावला. यासह पहिल्या ११ धावा पंजाबने केल्या.

यशस्वी जैस्वाल, वैभव सूर्यवंशी, संजू सॅमसन (विकेटकिपर/कर्णधार), रियान पराग, शिमरॉन हेटमायर, ध्रुव जुरेल, वानिंदू हसरंगा, क्वेना मफाका, तुषार देशपांडे, आकाश मधवाल, फजलहक फारुकी

राजस्थान रॉयल्स वि. पंजाब किंग्स सामन्याची नाणेफेक पंजाबने जिंकली असून संघाने प्रथम फलंदाजी करण्याचा निर्णय घेतला आहे. तर राजस्थानचा संघ प्रथम गोलंदाजी करताना दिसणार आहे. राजस्थान संघाचा नियमित फलंदाज संजू सॅमसन फिट होऊन संघात परतला आहे.