Latest Marathi News- Breaking News Today | Read Marathi Batmya from Maharashtra, India ब्रेकींग मराठी न्यूज at https://loksatta.com/

चेन्नईविरुद्ध सामन्यात बोटाला झालेली दुखापत भोवली

बिली स्टॅनलेक तात्काळ ऑस्ट्रेलियाला रवाना होणार

वानखेडे मैदानावर मुंबई इंडियन्सविरुद्धचा सामना जिंकल्यानंतर सनराईजर्स हैदराबाद संघाला मोठा धक्का बसला आहे. ऑस्ट्रेलियाचा जलदगती गोलंदाज बिली स्टॅनलेक बोटाला झालेल्या दुखापतीमुळे स्पर्धेबाहेर गेला आहे. चेन्नई सुपरकिंग्ज विरुद्धच्या सामन्यात बिलीच्या बोटाला दुखापत झालेली होती. यानंतर संघ व्यवस्थापनाने त्याला विश्रांतीही दिली. मात्र त्याची दुखापत बरी होत नसल्यामुळे अखेर बिलीने आयपीएलमधून माघार घेण्याचा निर्णय घेतला आहे. आपल्या ट्विटर अकाऊंटवरुन हैदराबादच्या संघ व्यवस्थापनाने या निर्णयाची माहिती दिली आहे.

Billy Stanlake has been ruled out of the remainder of IPL 2018 owing to a fractured finger. The #OrangeArmy wishes him a speedy recovery.— SunRisers Hyderabad (@SunRisers) April 24, 2018

चेन्नईविरुद्ध सामन्यात झालेल्या दुखापतीनंतर बिलीने भारत व ऑस्ट्रेलियातील तज्ञ डॉक्टरांचा सल्ला घेतला होता. मात्र त्याच्या बोटाला झालेली दुखापत पाहता डॉक्टरांनी बिलीला विश्रांती घेण्याचा सल्ला दिला. यावरुनच स्टेनलेकने स्पर्धेतून माघार घेण्याचा निर्णय घेतला आहे. पुढील उपचारांसाठी बिली स्टॅनलेक तात्काळ आपल्या मायदेशी म्हणजेच ऑस्ट्रेलियाला रवाना होणार आहे. २३ वर्षीय बिली स्टॅनलेकने आतापर्यंत ४ सामन्यांमध्ये ५ बळी मिळवले आहेत.

First published on: 25-04-2018 at 13:47 IST

Web Title: Ipl 2018 srhs billy stanlake ruled out of rest of season due to fractured finger

IPL 2018 – सनराईजर्स हैदराबादला मोठा धक्का, महत्वाचा खेळाडू दुखापतीमुळे स्पर्धेबाहेर

चेन्नईविरुद्ध सामन्यात बोटाला झालेली दुखापत भोवली