Ishan Kishan Six Video Viral : आयपीएल २०२३ चा ४६ वा सामना मुंबई इंडियन्स आणि पंजाब किंग्ज यांच्यात मोहालीच्या बिंद्रा स्टेडियममध्ये होत आहे. मुंबईने नाणेफेक जिंकून प्रथम फलंदाजी करण्याचा निर्णय घेतला. त्यानंतर पंजाब किंग्जच्या गोलंदाजांनी मुंबईच्या गोलंदाजांचा समाचार घेत २० षटकांत ३ विकेट्स गमावत २१४ धावा केल्या. त्यानंतर या धावांचा पाठलाग करण्यासाठी मैदानात उतरलेला मुंबईचा सलामीवीर फलंदाज ईशान किशनने अप्रतिम फलंदाजी केली. ईशानने पंजाबचा गोलंदाज हरप्रीत ब्रारला ९८ मीटरचा गगनचुंबी षटकार ठोकला. चौकार आणि षटकारांचा पाऊस पाडत ईशानने मुंबई इंडियन्ससाठी ४१ चेंडूत ४ षटकार आणि ७ चौकारांच्या मदतीनं ७५ धावांची अर्धशतकी खेळी साकारली. ईशानने ठोकलेल्या षटकारांचा व्हिडीओ इंडियन प्रीमियर लीगच्या ट्वीटर हॅंडलवर शेअर करण्यात आला आहे. मुंबईने १८.५ षटकात ४ विकेट्स गमावत २१५ धावा करून पंजाब किंग्जविरुद्ध दणदणीत विजय मिळवला.
मुंबई इंडियन्सचा धडाकेबाज फलंदाज सूर्यकुमार यादवनेही चौकार षटकारांचा पाऊस पाडला. सूर्यकुमारने आजच्या सामन्यातही आक्रमक फलंदाजी करून अर्धशतक ठोकलं आणि मुंबईला विजयाच्या दिशेनं नेलं. सॅम करनच्या एका षटकात सूर्यकुमारने २३ धावा कुटल्या. सूर्यकुमारने ३१ चेंडूत ६६ धावांची खेळी साकारली. नेथन एलिसच्या गोलंदाजीवर सूर्यकुमार झेलबाद झाला. अर्शदीप सिंगने सूर्यकुमारचा अप्रतिम झेल पकडून मुंबईला मोठा धक्का दिला. सूर्यकुमारने २ षटकार आणि ८ चौकार ठोकले.
इथे पाहा व्हिडीओ
पंजाबसाठी लियाम लिविंगस्टोन आणि जितेश शर्माने शतकी भागिदारी रचली. लियामने ४२ चेंडूत ४ षटकार आणि ७ चौकारांच्या मदतीनं ८२ धावांची नाबाद खेळी साकारली. तर जितेश शर्माने २७ चेंडूत ५ चौकार आणि २ षटकारांच्या मदतीनं ४९ धावांची नाबाद खेळी साकारली. सलामीला आलेला प्रभसिमनर सिंग ९ धावा करून स्वस्तात माघारी परतला. कर्णधार शिखर धवनने २० चेंडूत ३० धावा केल्या. तर मॅथ्यू शॉर्टने २६ चेंडूत २७ धावा केल्या. त्यामुळे पंजाबला २० षटाकांत २०० हून अधिक धावांचा टप्पा गाठता आला. मुंबईसाठी अनुभवी फिरकीपटू पीयुष चावलाने २ विकेट घेतल्या. तर आर्शद खानला एका विकेटवर समाधान मानावं लागलं.
