जसप्रीत बुमराहशिवाय मुंबई इंडियन्स मजबूत आहे? कर्णधार रोहित शर्मा म्हणाला, “सहा ते आठ महिन्यांपासून…”

सामना संपल्यानंतर मुंबई इंडियन्सचा कर्णधार रोहित शर्माने जसप्रीत बुमराहबाबत प्रतिक्रिया दिली. रोहितने सामन्यात पराभव झाल्यानंतर म्हटलं, ” अजून ३०-४० धावा जास्त झाल्या असत्या तर सामन्याचं चित्र वेगळं असतं. मागील सहा ते आठ महिन्यांपासून जसप्रीत बुमराहशिवाय खेळावं लागत आहे. बुमराहचं नसणं ही एक वेगळी गोष्ट आहे, पण कुणाला तरी पुढे येऊन चांगली कामगिरी करावी लागते. आपण त्या गोष्टींवर कायम राहू शकत नाहीत. दुखापत होणं आपल्या नियंत्रणात नसतं. आपण अशा गोष्टींमध्ये जास्त काही करु शकत नाही. सेटअपमध्ये दुसरे खेळाडूही प्रतिभावंत असतात. आम्ही त्यांना समर्थन दिलं पाहिजे. सीजनचा पहिला सामना होता. आम्ही काही चूका केल्या आहेत. इथून आता पुढे जाण्याची आवश्यकता आहे.

नक्की वाचा – IPL 2023: मैदानात ‘हेलिकॉप्टर शॉट’ची उत्तुंग भरारी; ‘या’ खेळाडूला टीम इंडियात घेण्याची मागणी, पाहा Video

मुंबई इंडियन्सविरोधात विराट कोहली चमकला

रॉयल चॅलेंजर्स बॅंगलोरने आतापर्यंत आयपीएलचा किताब जिंकला नाही. पण त्यांचा स्टार फलंदाज विराट कोहलीचं म्हणणं आहे की, आरसीबीने नेहमी त्यांच्या कामगिरीत सातत्य ठेवलं आहे. यावेळी ट्रॉफी जिंकण्यासाठी या गोष्टी अमलात आणणे गरजेचे आहे. ८२ धावांच्या नाबाद खेळीमुळं आरसीबीने मुंबई इंडियन्सचा ८ विकेट्सने पराभव केला, यावर बोलताना विराट म्हणाला, हा अभूतपूर्व विजय आहे. आम्ही खूप वर्षानंतर घरेलू मैदानावर सामना खेळला. आम्ही ज्या पद्धतीने प्रदर्शन केलं, ते पाहून मला आनंद झाला.”