आयपीएल २०२४ च्या एलिमिनेटर सामन्यात राजस्थान रॉयल्सने आरसीबीचा ४ गडी राखून पराभव केला. या पराभवासह आरसीबीचा इंडियन प्रीमियर लीग २०२४ मधील प्रवास संपला. अर्थात या सामन्यात आरसीबीचा पराभव झाला पण संघाचा मोठा खेळाडू विराट कोहलीने फलंदाजी आणि क्षेत्ररक्षणात पूर्णपणे वर्चस्व गाजवले. विशेषतः त्याने ध्रुव जुरेलला ज्या पद्धतीने बाद केले ते पाहून सगळेच अवाक झाले. विराटने सीमारेषेजवळून रॉकेटसारखा थ्रो फेकला.

रियान परागने डावाच्या १३व्या षटकाच्या पहिल्या चेंडूवर कॅमेरून ग्रीनविरुद्ध चांगला शॉट खेळला. रियान परागने हा चेंडू डीप स्क्वेअर लेगच्या दिशेने मारला. चेंडू वेगाने गेला, पण विराट कोहलीही त्याच वेगाने धावला. त्यानंतर कोहलीने गोलंदाजीच्या टोकावर थ्रो केला. यादरम्यान परागने दोन धावा चोरण्याचा प्रयत्न केला, त्याने पहिली धाव वेगाने धावली, परंतु दुसऱ्या धावेवर दोन्ही फलंदाज संथ झाले. इकडे कॅमेरून ग्रीनकडे चेंडू येताच त्याने क्षणाचाही विलंब न करता विकेट्स विखुरल्या. ध्रुव जुरेल क्रीझवर पोहोचण्याआधीच तो बाद झाला होता.

What Kangana Said?
कंगनाचा धक्कादायक दावा, “कोणतीही नवी हिरोईन आली की तिला दाऊदसमोर..”
Shikhar Dhawan and Mithali Raj Marriage Talks
‘मी मिताली राजशी लग्न करत आहे…’, शिखर धवनचा मोठा खुलासा, जाणून घ्या नक्की काय आहे प्रकरण?
Ravichandran Ashwin Calls Sanju Samson Selfish After RR Captain Selected For T20 World Cup
“तो स्वार्थीपणे खेळतोय..”, अश्विनने संजु सॅमसनची विश्वचषकाच्या संघात निवड होताच केलं मोठं विधान; म्हणाला,”त्याची गरज..”
yogendra yadav
“लोकसभेच्या निकालानंतर अजित पवार आणि एकनाथ शिंदे…”, योगेंद्र यादव यांचं मोठं विधान!
puneri pati viral there is no love like father Emotional Slogan Written Behind puneri riksha Video
“आज पाहिलेली सगळ्यात भारी पुणेरी पाटी” रिक्षामागची पाटी पाहून व्हाल भावूक; पुण्यातला VIDEO व्हायरल
Saurabh Netrawalkar Statement on Suryakumar Yadav Dropped Catch
IND vs USA: “तू सूर्यकुमारला का आऊट नाही केलंस?”, नवज्योत सिंग सिद्धूने विचारलेल्या प्रश्नावर नेत्रावळकरने दिले उत्तर; म्हणाला- ‘त्याचा झेल…’
Nagpur Results Nitin Gadkari Major Win Can Change Prime Minister Power Game
नितीन गडकरींचा विजय पालटणार सत्तेचा खेळ? ज्योतिषतज्ज्ञ म्हणतायत, “२०२४ पर्यंत काळजी, तर २०२६ ला मोठा..”
navneet rana uddhav thackeray
“मी पराभूत झालेय, उद्धव ठाकरेंनी आता तरी…”, नवनीत राणांचं वक्तव्य चर्चेत

विराटचा थ्रो येताना पाहून ध्रुव जुरेलने डायव्हिंग करून क्रीजच्या आत जाण्याचा पुरेपूर प्रयत्न केला, पण तो काही इंच दूर राहिला. ध्रुव जुरेलचा हा धावबाद सामन्याचा टर्निंग पॉइंट ठरू शकला असता, पण दुर्दैवाने आरसीबीला विजय मिळवता आला नाही.

तिसऱ्या पंचांनी हा विकेट २-३ वेळा तपासून पाहिला. तिसऱ्या पंचाने ते तपासले तेव्हा जुरेलची बॅट क्रीजपासून थोडी दूर असल्याचे दिसून आले. जेव्हा ग्रीनने बेल्स विखुरण्याचा प्रयत्न केला तेव्हा त्याचा हात स्टंपला लागला. बेल्स विखुरण्यापूर्वी जुरेल क्रीझवर पोहोचला नव्हता. तर बेल्स उडवल्यानंतर ग्रीनच्या हातून चेडू निसटला होता, त्यामुळे ग्रीनने जेव्हा त्याला बाद केले तेव्हा चेंडू त्याच्या हातात होता का हे पंचांनी तपासले आणि मग निर्णय दिला.

राजस्थानविरुद्धच्या या सामन्यात आरसीबी संघाने प्रथम फलंदाजी करत १७२ धावा केल्या. प्रत्युत्तरात राजस्थान संघाने ६ गडी गमावून ६ चेंडू बाकी असताना सामना जिंकला. त्यामुळे आता दुसऱ्या क्वालिफायरमध्ये राजस्थान रॉयल्सचा सामना सनरायझर्स हैदराबादशी होणार आहे. हा सामना जिंकणारा संघ अंतिम फेरीत कोलकाता संघाविरूद्ध विजेतेपदासाठी मैदानात उतरेल.