सुनील गावसकरांना रश्मिका मंदानाच्या डान्सची पडली भुरळ, कॉमेंट्री बॉक्समध्येच लगावले ठुमके, Video झाला व्हायरल

आयपीएलच्या पहिल्या सामन्याबद्दल बोलायचं झालं तर, सलामीवीर फलंदाज शुबमन गिलने वादळी अर्धशतकी खेळी करत गुजरात टायटन्सला विजयाच्या दिशेनं नेलं. गुजरातने पहिल्याच सामन्यात चेन्नई सुपर किंग्जचा ५ गडी राखून पराभव केला. चेन्नईने दिलेल्या १७९ धावांचं लक्ष्य गुजरातच्या संघाने १९.२ षटकांत १८२ धावा करत पूर्ण केलं. गिलने ३६ चेंडूत ६३ धावांची आक्रमक खेळी केली. त्यामुळे आयपीएल २०२३ च्या पहिल्या सामन्यात गुजरातने विजयाचं शिक्कामोर्तब केलं.

नक्की वाचा – गुजरात टायटन्सविरोधात पराभव झाल्यानंतर एम एस धोनीनं केला खुलासा; म्हणाला, “आमच्याकडून ही चूक झाली आणि…”

चेन्नई सुपर किंग्जसाठी सलामीला उतरलेल्या ऋतुराज गायकवाडने गुजरातच्या गोलंदाजांवर चौफेर फटकेबाजी केली. ऋतुराजने ५० चेंडूत ९२ धावांची अर्धशतकी खेळी साकारली. त्यामुळे चेन्नईला २० षटाकांत १७८ धावांपर्यंत मजल मारता आली. मोईन अलीने १७ चेंडूत २३ धावा केल्या. गुजरातकडून लेग स्पिनर राशिद खान (२६), मोहम्मद शामी (२९) तर अल्झारी जोसेफने ३३ धावा देत प्रत्येकी २ विकेट्स घेतल्या.