Travis Head scored a century in 39 balls : आयपीएल २०२४ मधील ३० वा सामन्यात रॉयल चॅलेंजर्स बंगळुरू आणि सनरायझर्स हैदराबाद आमनेसामने आहेत. बंगळुरूच्या एम चिन्नास्वामी स्टेडियमवर खेळल्या जात असलेल्या या सामन्यात बंगळुरूने नाणेफेक जिंकून प्रथम गोलंदाजी करण्याचा निर्णय घेतला. या सामन्यात सनरायझर्स हैदराबाद संघासाठी सलामीला फलंदाजीसाठी आलेल्या ट्रेव्हिस हेडने ३९ चेंडूत शतक झळकावले. हे आयपीएलमधील चौथे सर्वात वेगवान शतक आहे. आता तो कोहली, बटलर आणि रोहितनंतर यंदाच्या हंगामात शतक झळकावणारा चौथा खेळाडू ठरला आहे.

ट्रॅव्हिस हेडने हैदराबादसाठी झळकावले सर्वात वेगवान शतक –

ट्रॅव्हिसने आरसीबीविरुद्ध ४१ चेंडूत १०२ धावांची खेळी केली. या दरम्यान त्याच्या बॅटमधून ९ चौकार आणि ८ षटकार आले. विशेष म्हणजे हेडचे हे शतक हैदराबादकडून सर्वात वेगवान शतक आहे. याआधी डेव्हिड वॉर्नरने हैदराबादकडून खेळताना ४३ चेंडूत शतक झळकावले होते. याशिवाय हैदराबादसाठी हेनरिक क्लासेनने ४९ चेंडूत शतक झळकावले आहे. आता हेडने अवघ्या ३९ चेंडूत शतक झळकावून सर्वांना मागे टाकले आहे. त्याच्या उत्कृष्ट फलंदाजीमुळे संघाची धावसंख्या सहज २०० च्या पुढे गेली.

Virat Kohli Completed 3000 Runs at Chinnaswamy
RCB vs CSK: विराट कोहलीने चिन्नास्वामी स्टेडियमवर रचला इतिहास, IPL मध्ये ‘या’ दोन कामगिरी करणारा ठरला पहिला फलंदाज
Kohli Scores 600 Runs In IPL 2024 in PBKS vs RCB match
PBKS vs RCB : विराटने पंजाबविरुद्ध रचला इतिहास, IPL मध्ये ‘ही’ कामगिरी करणारा ठरला पहिला फलंदाज
Travis Head Preparing for T20 WC in IPL 2024
ट्रेव्हिस हेड IPL मध्ये करतोय T20 वर्ल्डकपची तयारी, लखनऊवरील विजयानंतर ‘त्या’ वक्तव्याने उडवली सर्वांची झोप
Sanju Samson breaks MS Dhoni’s record becomes fastest Indian to 200 IPL sixes
DC vs RR : संजू सॅमसनने धोनीचा विक्रम मोडत रचला इतिहास, आयपीएलमध्ये केला ‘हा’ खास पराक्रम
Piyush Chawla second highest wicket-taker in the IPL with 184 wickets
पियुष चावलाने ड्वेन ब्राव्होचा विक्रम मोडत रचला इतिहास, आयपीएलमध्ये ‘हा’ पराक्रम करणारा ठरला दुसरा गोलंदाज
MS Dhoni Becomes The First player to Win 150 Games in IPL
IPL 2024: एम एस धोनीच्या नावे मोठा विक्रम, आयपीएलच्या इतिहासात ‘ही’ कामगिरी करणारा ठरला पहिला खेळाडू
Virat Kohli 1st Indian player to reach 500 runs for 7th time in IPL history
GT vs RCB : विराट कोहलीने रचला इतिहास, IPL मध्ये ‘हा’ पराक्रम करणारा ठरला पहिला भारतीय खेळाडू
Marcus Stoinis Highest individual scores in IPL run chases with 124 Runs
IPL 2024: मार्कस स्टॉइनसची ऐतिहासिक खेळी, आयपीएलच्या इतिहासात ही कामगिरी करणारा पहिला फलंदाज

ट्रॅव्हिस हेडची आयपीएलमध्ये एंट्री २०१६ मध्ये झाली होती आणि तो २०१७ मध्ये आरसीबीकडून या लीगमध्ये खेळला होता. परंतु त्यानंतर कोणत्याही संघाने त्याला या लीगमध्ये आपल्या संघाचा भाग बनवले नाही. मात्र, २०२४ च्या लिलावात हैदराबादने त्याची निवड केली. त्यांच्या संघासाठी त्याचा संघात समावेश करण्यात आला आणि ८ वर्षांनंतर तो पुन्हा या लीगमध्ये परतला.

हेही वाचा – IPL 2024 : रोहित शर्मासह ‘या’ पाच सर्वात वयस्कर खेळाडूंनी आयपीएलमध्ये झळकावलयं शतक, जाणून घ्या कोण आहेत?

आरसीबीविरुद्धच्या या सामन्यात ट्रॅव्हिस हेडने २० चेंडूत चौकार मारून आपले अर्धशतक पूर्ण केले आणि आपल्या अर्धशतकी खेळीदरम्यान त्याने ५ षटकार आणि ३ चौकार लगावले. त्याने पॉवरप्लेमध्ये म्हणजेच ६ षटकांत अर्धशतक पूर्ण केले. यानंतर त्याने वेगवान फलंदाजी करत ३९ चेंडूत चौकार मारून आपले पहिले शतक पूर्ण केले. आपल्या शतकी खेळीत त्याने ८ षटकार आणि ९ चौकार लगावले. हेडने ३९ चेंडूत शतक झळकावून एबी डिव्हिलियर्स आणि गिलख्रिस्टचा विक्रम मोडला आणि या लीगमध्ये सर्वात जलद शतक झळकावणाऱ्या फलंदाजांच्या यादीत तो चौथ्या स्थानावर पोहोचला.

आयपीएलमध्ये सर्वात वेगवान शतक झळकावणारे फलंदाज-

३० – ख्रिस गेल
३७- युसूफ पठाण
३८ – डेव्हिड मिलर
३९ – ट्रॅव्हिस हेड
४२ – ॲडम गिलख्रिस्ट
४२- एबी डिव्हिलियर्स
४५ – सनथ जयसूर्या