scorecardresearch

Premium

World Cup 2023: इंग्लंडच्या संघाने केला विश्वविक्रम! वनडे क्रिकेटच्या इतिहासात पहिल्यादाच झाली ‘या’ खास पराक्रमाची नोंद

ENG vs NZ Match Updates, Cricket World Cup 2023: नाणेफेक हारल्यानंतर इंग्लंडने प्रथम फलंदाजी करताना ५० षटकांत ९ गडी गमावून २८२ धावा केल्या. त्याचबरोबर जोस बटलरच्या नेतृत्वाखालील इंग्लंडने एक आश्चर्यकारक विक्रम केला.

England vs New Zealand Oneday Cricket World Cup 2023
क्रिकेट विश्वचषक २०२३ इंग्लंड विरुद्ध न्यूझीलंड (फोटो-इंग्लंड क्रिकेट ट्विटर)

ICC Cricket World Cup 2023, England vs New Zealand: एकदिवसीय विश्वचषक २०२३ च्या पहिल्या साखळी सामन्यात इंग्लंडच्या संघाने अहमदाबादच्या नरेंद्र मोदी स्टेडियमवर न्यूझीलंडविरुद्ध इतिहास रचला. प्रथम फलंदाजी करून इंग्लंड क्रिकेट संघाने असे काही केले, जे याआधी कोणत्याही संघाने एकदिवसीय क्रिकेटमध्ये केले नव्हते. इंग्लंड संघाने न्यूझीलंडविरुद्ध प्रथम फलंदाजी केली आणि या सामन्यात जो रूटच्या अर्धशतकी खेळीच्या जोरावर इंग्लिश संघाने ५० षटकांत ९ गडी गमावून २८२ धावा केल्या. त्याचबरोबर जोस बटलरच्या नेतृत्वाखालील इंग्लंडने एक आश्चर्यकारक विक्रम नोंदवला.

विश्वचषकाच्या ४८ वर्षांच्या इतिहासात पहिल्यांदाच घडलं –

या सामन्यात इंग्लंडच्या फलंदाजांनी इतिहास रचला. खरं तर, एकदिवसीय विश्वचषकाच्या ४८ वर्षांच्या इतिहासात हे प्रथमच घडले आहे, जेव्हा एका संघाच्या सर्व फलंदाजांनी म्हणजे ११ फलंदाजांनी १० पेक्षा जास्त धावांची इनिंग खेळली खेळली. न्यूझीलंडविरुद्धच्या या सामन्यात पहिल्या क्रमांकापासून ते ११व्या क्रमांकापर्यंतच्या इंग्लंडच्या फलंदाजांनी १० हून अधिक धावांची खेळी खेळली. या सामन्यात इंग्लंडने शेवटच्या १० षटकात केवळ २ चौकार मारले असले तरी, तरीही संघाने २८२ धावांपर्यंत मजल मारली.

Pope and Bumrah Controversy in Ind vs ENG 1st Test Match
IND vs ENG : जसप्रीत बुमराहने ऑली पोपशी मुद्दाम पंगा घेतल्याने रोहितला करावी लागली मध्यस्थी, VIDEO होतोय व्हायरल
IND vs ENG 1st Test Match Updates
IND vs ENG : इंग्लंडविरुद्ध भारताने पहिल्या डावाच्या जोरावर घेतली १९० धावांची आघाडी, राहुलनंतर जडेजाचेही हुकले शतक
India dominated the first day of India first Test match against England
पहिल्या दिवशी भारताचा दबदबा! फिरकीपटूंनी इंग्लंडला २४६ धावांत रोखले; यजमानांच्या १ बाद ११९ धावा
Sai Sudarshan to replace Virat Kohli for the two Tests against England
IND vs ENG : विराट कोहलीच्या जागी खेळणार ‘हा’ खेळाडू? आकाश चोप्राने सुचवलेल्या नावावर फक्त शिक्कामोर्तब होणे बाकी

एका संघाच्या सर्व ११ फलंदाजांनी ओलांडला दुहेरी धावांचा आकडा –

इंग्लंडच्या डावाबद्दल बोलायचे, तर या सामन्यात जॉनी बेअरस्टो ३३ धावा करून बाद झाला. त्याचबरोबर डेव्हिड मलान १४ धावा करून बाद झाला. यानंतर हॅरी ब्रूकने २५ तर मोईन अलीने ११ धावा केल्या. संघाचा कर्णधार जोस बटलरने ४२ चेंडूत २ षटकार आणि २ चौकारांच्या मदतीने ४३ धावा केल्या. तसेच लियाम लिव्हिंगस्टोनने २० आणि ख्रिस वोक्स ११ धावांची इनिंग खेळून पॅव्हेलियनमध्ये परतले. सॅम करननेही १४, आदिल रशीद १५ आणि धमार्क वुडने १३ धावांचे योगदान दिले. जो रूटने संघासाठी सर्वात मोठी खेळी खेळली. त्याने ७७ धावा केल्या.

हेही वाचा – World Cup 2023: बाबर आझमने सांगितली पाकिस्तान संघाची सर्वात मोठी ताकद; भारतातील दबावाबाबत म्हणाला, ‘आमच्यावर..’

न्यूझीलंडच्या गोलंदाजांनी इंग्लंडच्या स्फोटक फलंदाजांना मुक्तपणे खेळू दिले नाही. वेगवान आणि फिरकीच्या मिश्रणाने इंग्लिश संघाला खूप त्रास दिला. वेगवान गोलंदाज मॅट हेन्रीने सर्वाधिक तीन विकेट्स घेतल्या. फिरकीपटू मिचेल सँटनर आणि ग्लेन फिलिप्स यांना प्रत्येकी दोन विकेट्स मिळाल्या. ट्रेंट बोल्ट आणि रचिन रवींद्र यांनी प्रत्येकी एक विकेट घेतली. इंग्लंडने न्यूझीलंडसमोर विजयासाठी २८३ धावांचे लक्ष्य ठेवले होते. यापूर्वी २०१९ विश्वचषक स्पर्धेत इंग्लंडने न्यूझीलंडला हरवून विजेतेपद पटकावले होते. अशाप्रकारे जोस बटलरच्या नेतृत्वाखाली इंग्लंडने गतविजेता म्हणून विश्वचषकात प्रवेश केला.

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: It is the first time in 48 year history of world cup that all 11 batsmen of a team have crossed double figures in eng vs nz vbm

First published on: 05-10-2023 at 20:01 IST

संबंधित बातम्या

तुम्ही या बातम्या वाचल्या आहेत का? ×