Team India: जसप्रीत बुमराहने पुनरागमनाबद्दल चाहत्यांना दिली आनंदाची बातमी, पाहा VIDEO

जसप्रीत बुमराहने ही समस्या दूर करण्यासाठी शस्त्रक्रिया करण्याचा निर्णय घेतला होता. तो सध्या राष्ट्रीय क्रिकेट अकादमीमध्ये (एनसीए) रिहॅब प्रक्रियेतून जात आहे. माजी दिग्गज क्रिकेटर व्हीव्हीएस लक्ष्मणची नजर बुमराहवर असून त्यांच्या प्रशिक्षणाखाली तो सराव करत आहे. बराच काळ त्याच्या पुनरागमनाबाबत चर्चा होत आहेत. आता आशिया चषकातून पुनरागमन करू शकतो, अशी शक्यता कायम आहे. आता त्याने स्वतःच त्याच्या पुनरागमनाबाबत एक व्हिडीओ शेअर करुन मोठी अपडेट दिली आहे.

आयर्लंडविरुद्धच्या दौऱ्यातून कमबॅक करण्याची शक्यता –

बुमराहने इन्स्टाग्रामवर पोस्ट केलेल्या व्हिडिओमध्ये अनेक फोटो आहेत, ज्यात तो गोलंदाजी करताना दिसत आहे. या पोस्टसह बुमराहने लिहिले की, मी घरी परत येत आहे. यावरून हे स्पष्टपणे समजू शकते की बुमराहचे पुनरागमन आयर्लंडविरुद्धच्या टी-२० मालिकेत होऊ शकते.

विश्वचषकात भारतीय संघाच्या गोलंदाजीला बळ मिळेल –

जर बुमराह आयर्लंडविरुद्ध मैदानात परतला तर आशिया कपदरम्यान संघ व्यवस्थापनाला त्याच्या फिटनेसची योग्य चाचणी घेण्याची संधी मिळेल. अशा परिस्थितीत बुमराहने आशिया चषकात चांगली कामगिरी केली, तर वनडे विश्वचषकापूर्वी भारतीय संघाला निश्चितच मोठा दिलासा मिळेल. यामुळे संघाचा वेगवान गोलंदाजी विभाग मजबूत होणार आहे, ज्यामध्ये मोहम्मद शमी आणि मोहम्मद सिराज आधीच उपस्थित आहेत.

हेही वाचा – FIFA Women’s WC 2023: ऑस्ट्रेलिया-न्यूझीलंडमध्ये होणाऱ्या स्पर्धेत ३२ संघ होणार सहभागी, जाणून घ्या वेळापत्रक आणि स्ट्रीमिंगबद्दल

जसप्रीत बुमराहची कारकीर्द –

विशेष म्हणजे बुमराह हा टीम इंडियाचा अनुभवी गोलंदाज आहे. त्याने आतापर्यंत ७२ वनडे त १२१ विकेट्स घेतल्या आहेत. या फॉरमॅटमध्ये त्याने दोनदा पाच-पाच विकेट्स घेतल्या आहेत. बुमराहने ३० कसोटी सामन्यात १२८ विकेट्स घेतल्या आहेत. त्याने ६० आंतरराष्ट्रीय सामनेही खेळले आहेत, ज्यामध्ये त्याने ७० विकेट्स घेतल्या आहेत. सप्टेंबर २०२२ मध्ये तो टीम इंडियासाठी शेवटचा सामना खेळला होता. ऑस्ट्रेलियाविरुद्धच्या या टी२० सामन्यानंतर तो संघाबाहेर आहे.