kl Rahul Century Record: लॉर्ड्सच्या मैदानावर भारत आणि इंग्लंड यांच्यातील तिसऱ्या कसोटी सामन्याचा थरार सुरू आहे. या सामन्यात सलामीला आलेल्या केएल राहुलने दमदार शतकी खेळी केली आहे. या खेळीच्या बळावर त्याने लॉर्ड्सच्या मैदानावरील मोठा रेकॉर्ड आपल्या नावावर केला आहे.
मालिकेतील तिन्ही सामन्यांमध्ये केएल राहुलने भारतीय संघाला चांगली सुरुवात करून दिली आहे. पहिल्या कसोटी सामन्यातील दुसऱ्या डावात त्याने दमदार शतक झळकावलं होतं. आता लॉर्ड्स कसोटीतील पहिल्या डावात भारतीय संघाला गरज असताना, केएल राहुलने आपलं शतक पूर्ण केलं आहे. हे लॉर्ड्सच्या मैदानावरील त्याचे दुसरे शतक ठरले आहे. केएल राहुल इंग्लंडमध्ये फलंदाजी करताना ४ शतकं झळकावणारा पहिलाच भारतीय सलामीवीर फलंदाज ठरला आहे. यासह लॉर्ड्सच्या मैदानावर डावाची सुरूवात करताना २ शतकं झळकावणारा तो पहिलाच भारतीय सलामीवीर फलंदाज ठरला आहे.
केएल राहुलचं विक्रमी शतक
केएल राहुल सध्या तुफान फॉर्ममध्ये आहे. या फॉर्मचा फायदा घेत त्यने या मालिकेतील दुसरं शतक झळकावलं आहे. तसेच लॉर्ड्सच्या मैदानावर खेळताना त्याचं हे दुसरं शतक ठरलं आहे. भारतीय संघाच्या पहिल्या डावातील ६७ व्या डावात केएल राहुलने १०० धावांचा पल्ला गाठला. भारतीय संघाला सुरूवातीला मोठे धक्के बसले होते. यशस्वी जैस्वाल, करूण नायर आणि कर्णधार शुबमन गिल स्वस्तात माघारी परतले होते. पण केएल राहुलने न डगमगता एक बाजू धरून ठेवली आणि भारतीय संघाला २५० धावांच्या पार पोहोचवलं. यादरम्यान त्याने ऋषभ पंतसोबत मिळून १०० धावांची भागीदारी केली.
लॉर्ड्सच्या मैदानावर डावाती सुरूवात करताना सर्वाधिक शतक झळकावण्याचा रेकॉर्ड आता केएल राहुलच्या नावावर आहे. त्याने आतापर्यंत २ शतकं झळकावली आहेत. तर विनू माकंड यांच्या नावे १ आणि रवी शास्त्री यांच्या नावे देखील १ शतक झळकावण्याची नोंद आहे. भारताकडून लॉर्ड्सच्या मैदानावर खेळताना केवळ या ३ सलामीवीरांना शतक झळकावता आलं आहे.
लॉर्ड्सच्या मैदानावर सर्वाधिक शतकं झळकावणारे भारतीय सलामीवीर फलंदाज
केएल राहुल- २
विनू माकंड -१
रवी शास्त्री – १
