Kylian Mbappe reject offer Saudi Arabia: फ्रेंच स्टार फुटबॉलपटू किलियन एमबाप्पेने सौदी अरेबियाच्या अल हिलाल क्लबकडून खेळण्याची ऑफर नाकारली आहे. पॅरिस सेंट-जर्मेन (PSG) कडून क्लब फुटबॉल खेळणाऱ्या एमबाप्पेने अल हिलालच्या प्रतिनिधींना भेटण्यास नकार दिला आहे. यामुळे सौदी क्लबच्या महत्त्वाकांक्षेला मोठा धक्का बसला आहे. अल हिलालने एमबाप्पेसमोर ३०० दशलक्ष युरो (सुमारे २७२५ कोटी रुपये) ची विक्रमी ऑफर ठेवली होती. मात्र, एमबाप्पेने अल-हिलालचा प्रस्ताव धुडकावत सौदी अरेबियाला खेळायला जाणार नाही, असे सांगितले.

फ्रेंच स्टारने या बुधवारी पॅरिसमध्ये असलेल्या अल-हिलाल क्लबच्या प्रतिनिधींशी कोणतीही चर्चा करण्यास नकार दिला, असे फ्रेंच वृत्तपत्र L’Equipe च्या अहवालात म्हटले आहे. झेनिट सेंट पीटर्सबर्ग येथून ब्राझिलियन खेळाडू माल्कमच्या हस्तांतरणास अंतिम रूप देण्यासाठी सौदी क्लबचे एक शिष्टमंडळ पॅरिसमध्ये आले. फ्रेंच राजधानीत असताना शिष्टमंडळाला आपला प्रस्ताव एमबाप्पेला सादर करायचा होता. मात्र, त्याने या शिष्टमंडळास भेटण्यास नकार दिला.

youtuber distributing beer cans in haridwar after taking off shirt police took action as soon as video went viral youtuber apologize with folded hands
फॉलोअर्स वाढवण्याच्या नादात बॉडी दाखवत वाटत होता बिअर; video व्हायरल होताच आता हात जोडून मागतोय माफी
Mumbai Doctor Finds Human Finger in Online Ordered Ice Cream, finger Belongs to Pune Employee, Finger Was Severed in Accident, pune news, Mumbai news, Human Finger in Online Ordered Ice Cream,
आईस्क्रीममध्ये सापडलेले बोट पुण्यातील कर्मचाऱ्याचे, ११ मे रोजी अपघातात बोट कापल्याचा दावा
gurpatwant singh pannun
गुरुपतवंतसिंह पन्नूच्या हत्येचा कट रचल्याप्रकरणी निखिल गुप्ता अमेरिकेच्या ताब्यात; प्रत्यार्पणानंतर होणार सुनावणी!
England beat Namibia by 41 runs in T20 World Cup 2024
ENG vs NAM : नामिबियाचा धुव्वा उडवत इंग्लंडचे शानदार कमबॅक, तरी सुपर-८ मध्ये पोहोचण्यासाठी ‘या’ संघावर अवलंबून
bangladeshis acquiring indian passport
विश्लेषण : बांगलादेशी नागरिकांना भारतीय पासपोर्ट मिळालाच कसा? आणि मतदानही कसे करता आले?
Fan interrupts play to meet Rohit Sharma
VIDEO : रोहितला भेटण्यासाठी फॅन पोहोचला मैदानात, सुरक्षारक्षकाने पकडल्यानंतर हिटमॅनची रिॲक्शन व्हायरल
Dhruv Rathi
युट्यूबर ध्रुव राठीला जीवे मारण्याची धमकी; एक्स पोस्टवर म्हणाला, “या सगळ्यामागे…”
Prajwal revanna diplomatic passport
प्रज्ज्वल रेवण्णा डिप्लोमॅटिक पासपोर्टच्या बळावर देशातून फरार; हा पासपोर्ट कोणाला मिळतो?

एमबाप्पेने कधीही सौदीला जाण्याचा विचार केला नाही

अहवालात असे म्हटले गेले आहे की, “२४वर्षीय किलियन एमबाप्पे एजंटने सौदी क्लबच्या प्रतिनिधींशी कोणतीही चर्चा करण्यास नकार दिला. फ्रान्सचा कर्णधार एमबाप्पे यांनी कधीही सौदी अरेबियाला जाण्याचा पर्याय विचारात घेतला नाही. रियाधस्थित अल हिलालला पीएसजीने एमबाप्पेशी बोलणी सुरू करण्याची परवानगी दिली होती. एमबाप्पेला कधीही सौदी लीगमध्ये खेळायचे नव्हते हे पीएसजीला माहीत होते. असे असतानाही त्यांनी अल-हिलालला परवानगी दिली होती. यामागील कारण अजूनही स्पष्ट झालेले नाही.

हेही वाचा: Ben Stokes: अ‍ॅम अ बार्बी गर्ल… बेन स्टोक्सची पत्रकार परिषद मार्क वुडने केली हायजॅक; मजेशीर Video व्हायरल

एमबाप्पे आणि पीएसजीमधील अंतर का वाढले?

एमबाप्पे गेल्या महिन्यात म्हणाला होता की, “तो पीएसजी बरोबरचा करार जून २०२४च्या पुढे वाढवू इच्छित नाही.” त्याच्या या वक्तव्याने क्लबला आश्चर्य वाटले. एमबाप्पेने २०२२मध्ये पीएसजीशी नवीन करार केला होता. त्यानंतर २०२५ पर्यंत संघासोबत राहण्याचे आश्वासन दिले. एमबाप्पे आणि पीएसजी यांच्यातील करारानुसार एमबाप्पे २०२४ पर्यंत क्लबचा खेळाडू राहील. जून २०२४ नंतर तो त्याचा करार एक वर्षासाठी वाढवू शकतो. आता एमबाप्पेने क्लबला एक वर्ष अगोदर पत्र लिहून जून २०२४ नंतर करार वाढवणार नसल्याचे सांगितले आहे.

एमबाप्पे नवीन क्लबच्या शोधात आहे. पॅरिस सेंट-जर्मेनबरोबरचा त्याचा करार पुढे संपत आहे, परंतु क्लबने त्याला नवीन संघ शोधण्याचे आदेश दिले आहेत. क्लबने त्याला विकण्याचा निर्णय घेतला आहे. तो आता ट्रान्सफर मार्केटमध्ये उपलब्ध आहे.

हेही वाचा: IND vs WI: वेस्ट इंडीजविरुद्धच्या वन डे मालिकेआधी टीम इंडियाला मोठा धक्का! मोहम्मद सिराज भारतात परतला, जाणून घ्या

पीएसजी एमबाप्पेला सोडू इच्छित नाही

वास्तविक, पीएसजी कोणत्याही परिस्थितीत एमबाप्पेला मुक्त खेळाडू म्हणून जाऊ देऊ इच्छित नाही. यासाठी त्यांनी एम्बाप्पे याचे नाव बाजारात आणले आहे. ते जगातील इतर क्लबकडून एमबाप्पेसाठी बोली ऐकण्यास उत्सुक आहेत. मात्र, पीएसजीला वाटते की त्यांची फसवणूक झाली आहे. क्लबचा विश्वासू सूत्रांकडून माहिती मिळाली आहे की, एमबाप्पेने आधीच रिअल माद्रिद या क्लबकडून विनामूल्य हस्तांतरणास सहमती दर्शविली आहे.