Lionel Messi: मेस्सीला मिळणार मोठा सन्मान! नोटेवर छापणार फोटो, अर्जेंटिना सरकार मोठा निर्णय घेण्याच्या तयारीत

फिफा विश्वचषक ट्रॉफीसह अर्जेंटिना येथे पोहोचल्यानंतर संघाचे जल्लोषात स्वागत करण्यात आले. यानंतर मेस्सी त्याच्या गावी पोहोचला तेव्हा तेथेही त्याचे जोरदार स्वागत करण्यात आले. आता ही बातमी ऐकून मेस्सीच्या चाहत्यांना आनंद होईल. विश्वचषक ट्रॉफीसह अर्जेंटिना पोहोचल्यावर त्याचे ज्या प्रकारे स्वागत झाले ते आपण सर्वांनी पाहिले आहे. ब्युनोस आयर्सच्या रस्त्यावर लाखो लोक कसे उतरले होते. इतकेच नाही तर मेस्सी त्याच्या गावी पोहोचल्यानंतरही त्याचे जोरदार स्वागत करण्यात आले. पण, सध्या येत असलेल्या बातम्यांनुसार या सगळ्यांच्या वर आहेत. अर्जेंटिना सरकार तेथील नोटेवर मेस्सीचे चित्र लावण्याच्या मनस्थितीत असल्याचे वृत्त आहे.

काही रिपोर्ट्समध्ये असे म्हटले जात आहे की, अर्जेंटिना सरकार मेस्सीचे चित्र चलनी नोटांवर लावू शकते. सेंट्रल बँक ऑफ द रिपब्लिक ऑफ अर्जेंटिना हजार पेसोच्या चलनी नोटेवर मेस्सीची प्रतिमा छापू शकते असे वृत्त आहे. आर्थिक वृत्तपत्र एल फायनान्सिएरोच्या मते, अर्जेंटिनाच्या नियामक बँकेने ला अल्बिसेलेस्टेच्या ऐतिहासिक विश्वचषकाच्या विजयासाठी एक बैठक आयोजित केली आहे. उल्लेखनीय आहे की अर्जेंटिनाने १९७८ मध्ये पहिला विश्वचषक जिंकल्यानंतर स्मारक नाणीही जारी करण्यात आली होती.

मेस्सीच्या नोटेचा फोटो व्हायरल होत आहे

अहवालात असे म्हटले आहे की अर्जेंटिना सेंट्रल बँकेच्या सदस्यांनी हा पर्याय ‘मस्करीने’ प्रस्तावित केला होता, जरी बहुतेक बोका ज्युनियर्स, लिसांड्रो क्लेरी आणि एडुआर्डो हेकर यांनी त्यास सहमती दर्शविली. यानंतर १००० पेसोच्या नोटेचा फोटो सोशल मीडियावर व्हायरल होत आहे. याशिवाय, नोटेच्या एका बाजूला मेस्सीचा फोटो दिसेल, तर दुसऱ्या बाजूला ग्रुपचे नाव ‘La Scaloneta’ दिसेल.

हेही वाचा: Smriti Mandhana: “देशाला अभिमान वाटेल असे…” मायदेशातील ऑस्ट्रेलियाविरुद्धच्या मानहानीकारक पराभवनंतर स्मृती मंधानाची भावनिक पोस्ट

अर्जेंटिना सरकारने आपली कल्पना अंमलात आणून तेथील नोटेवर मेस्सीचे चित्र छापले, तर विश्वचषक जिंकल्यानंतर एखाद्या खेळाडूच्या चित्राला देशाच्या चलनावर स्थान मिळण्याची ही बहुधा पहिलीच वेळ असेल. विश्वचषकाच्या आनंदात देशाला सर्वात मोठा सन्मान किंवा सर्वात मोठा पुरस्कार मिळतो हे आपण पाहिलं आहे, पण हा प्रकार नक्कीच पहिल्यांदाच पाहायला मिळणार आहे.