एकीकडे मैदानावर ती इतिहास घडवत होती तर दुसरीकडे तिची आई रस्त्यावर भाजी विकत होती; हॉकीपटूची प्रेरणादायी कहाणी

या धाडसी गोलने ज्युनियर विश्वचषक स्पर्धेच्या उपांत्यपूर्व फेरीत भारताच्या दक्षिण कोरियावर ३-० असा विजय मिळवण्याचा टोन सेट केला, ज्यामुळे संघ इतिहासात दुसऱ्यांदा स्पर्धेच्या अंतिम-चार टप्प्यात पोहोचला. कैसर जहाँना मात्र त्यांच्या मुलीची ही गौरवशाली कामगिरी पाहता आली नाही, ज्यात तिने सामनावीराचा पुरस्कार मिळवला. इंडियन एक्स्प्रेसशी बोलताना त्या म्हणाल्या, “मी त्या वेळात व्यस्त होते. ती गोल करताना मला बघायला आवडले असते, पण मला उदरनिर्वाह देखील करावा लागतो. मला खात्री आहे की भविष्यात असे आणखी प्रसंग आयुष्यात येतील”.

आतापर्यंत सहा गोलांसह, मुमताज या स्पर्धेतील तिसरी-सर्वाधिक गोल करणारी खेळाडू आहे. भारताच्या वेल्सविरुद्धच्या सलामीच्या सामन्यात ती स्कोअरशीटवर होती, प्री टुर्नामेंट फेव्हरेट जर्मनीविरुद्ध विजयी गोल केला आणि मलेशियाविरुद्धच्या खेळात हॅट्ट्रिक केली.शुक्रवारी, तिची आई कामावर असताना, मुमताजच्या पाच बहिणी लखनौमधील त्यांच्या घरी मोबाईल स्क्रीनवर मॅच पाहत होत्या आणि तिचे वडील हाफिज मशिदीत होते.

“आज आपल्याला कसं वाटतं याचं वर्णन करणं कठीण आहे. असे दिवस होते जेव्हा आमच्याकडे काहीच नव्हतं…जेव्हा काही लोकांनी मुलीला खेळायला दिल्याबद्दल आमच्या पालकांची टिंगल केली,” मुमताजची मोठी बहीण फराह म्हणाली. कैसर जहाँ पुढे म्हणाल्या: “आम्ही त्या टिप्पण्यांकडे दुर्लक्ष केले पण आज मुमताजने त्या सर्वांना योग्य उत्तर दिल्यासारखं वाटतं.”