IND vs GER : भारत-जर्मनी हॉकी सामन्याला महेंद्रसिंग धोनीने लावली हजेरी, VIDEO होतोय व्हायरल

शुक्रवारी तिसऱ्या-चौथ्या स्थानासाठीच्या लढतीत जपानचा पराभव करून हा संघ ऑलिम्पिकसाठी पात्र ठरू शकतो. या स्पर्धेतील अव्वल तीन संघ पॅरिस ऑलिम्पिकसाठी पात्र ठरतील. जागतिक क्रमवारीत पाचव्या स्थानी असलेल्या जर्मनीचा शुक्रवारी अंतिम फेरीत अमेरिकेशी सामना होईल, तर भारतीय संघाचा तिसऱ्या क्रमांकासाठी जपानशी सामना होईल. पहिल्या उपांत्य फेरीत जपानला अमेरिकेकडून १-२ असा पराभव स्वीकारावा लागला होता.

झारखंडमधील रांची येथील मरंग गोमके जयपाल सिंग अॅस्ट्रोटर्फ हॉकी स्टेडियमवर पूर्ण वेळेपर्यंत भारत आणि जर्मनीने १-१ गोल ​​केले होते, त्यानंतर अतिरिक्त वेळेत २-२ अशी बरोबरी साधली. त्यानंतर पेनल्टी शूटआऊटमध्ये देखील दोन्ही संघांनी प्रत्येकी तीन गोल केल्यानंतर पुन्हा एकदा बरोबरीवर झाली. त्यानंतर आणखी एक शूटआउट आयोजित केले गेले, जेथे जर्मनीच्या नशिबाने त्यांना साथ दिली आणि त्यांनी सामना १-० ने जिंकला. भारताकडून दीपिका (१५वे मिनिट) आणि इशिका चौधरी (५९वे मिनिट) यांनी निर्धारित वेळेत गोल केले. जर्मनीसाठी शार्लोट स्टेपनहॉर्स्टने (२७वा, ५७वा) दोन्ही गोल केले.

हेही वाचा – PCB : पाकिस्तान क्रिकेटमध्ये भूकंप! मिकी आर्थरसह सपोर्ट स्टाफच्या तीन सदस्यांनी दिला राजीनामा

महेंद्रसिंग धोनी हे भारतीय क्रिकेटमधील दिग्गजांपैकी एक नाव आहे, ज्याने टीम इंडियाला २००७ मध्ये टी-२० विश्वचषक आणि २०११ मध्ये एकदिवसीय विश्वचषक जिंकून दिला होता. त्याच्या नेतृत्वाखाली भारताने २०१३ मध्ये चॅम्पियन्स ट्रॉफीही जिंकली होती. सामन्यादरम्यान, जेव्हा जेव्हा कॅमेरा महेंद्रसिंग धोनीकडे गेला, तेव्हा स्टेडियममध्ये एकच जल्लोष पाहिला मिळाला. आता धोनीचा हा व्हिडीओ सोशल मीडियावर व्हायरल होत आहे.