नीरज-वेबर पुन्हा आमनेसामने; दोहामधील यशानंतर पोलंडमध्ये कामगिरी उंचाविण्याचा प्रयत्न

नीरज आणि वेबरसमोर ग्रेनाडाचा दोन वेळचा जगज्जेता अँडरसर्न पीटर्सचे आव्हान असेल. पीटर्सची सर्वोत्तम वैयक्तिक कामगिरी ९३.०७ मीटर अशी आहे. मात्र, दोहामध्ये त्याला केवळ ८४ मीटरचे अंतर गाठता आले. त्यामुळे तो तिसऱ्या स्थानी राहिला होता. आता कामगिरीत सुधारणा करण्याच्या उद्देशाने तो मैदानात उतरेल.

नीरज, वेबर, पीटर्स यांच्यासह पोलंडचा राष्ट्रीय विक्रमवीर मार्चिन क्रुकोव्स्की (वैयक्तिक सर्वोत्तम ८९.५५ मीटर), पोलंडचेच सायप्रियन मर्झिग्लोड (८४.९७ मीटर) आणि डेव्हिड वेगनर (८२.२१ मीटर), तसेच मोल्दोवाचा अॅड्रियन मारडारे (८६.६६ मीटर) व युक्रेनचा आर्थर फेल्फनर (८४.३२ मीटर) यांचाही स्पर्धेत सहभाग असेल.