PAK vs NZ: ‘कॅप्टनसी कोण करतंय…’ लाइव्ह मॅचमध्ये रिझवान आणि सरफराजने एकाच वेळी केला डीआरएस घेण्याचा इशारा; पाहा व्हिडिओ

वास्तविक, नियमांनुसार, पर्यायी खेळाडू मैदानावरील खेळाडूंना सूचना देऊन क्षेत्ररक्षणाची स्थिती बदलू शकतो. परंतु त्याला ‘कर्णधार’ प्रमाणे डीआरएस रिव्ह्यू घेण्याची परवानगी नाही. क्रिकेटचा नियम 24.1.2 सांगतो की, ‘बदली खेळाडू थेट सामन्यात गोलंदाजी करू शकत नाही आणि कर्णधार म्हणून काम करू शकत नाही. पण पंचांच्या संमतीने तो खेळाडू सामन्यात यष्टिरक्षकाची भूमिका बजावू शकतो.

पण जेव्हा न्यूझीलंडच्या डावाच्या ५३व्या षटकात डेव्हन कॉनवेला पायचित अपील करण्यात आली आणि डीआरएस रिव्ह्यू घेण्याची वेळ आली. तेव्हा माजी कर्णधार यष्टीरक्षक सर्फराज अहमद आणि रिझवान डीआरएस घेण्यासाठी पंचांशी बोलले, त्यामुळे गोंधळ निर्माण झाला. बाबरऐवजी स्टँड-इन कॅप्टनची भूमिका कोण करत आहे. त्याचवेळी रिव्ह्यू घेण्यात आला आणि कॉनवे बाद झाला, पण नंतर बाबरच्या जागी काळजीवाहू कर्णधाराची भूमिका कोण बजावत आहे, हे पाकिस्तानकडून स्पष्ट करण्यात आले.

हेही वाचा – Arjun Saud Keeping: नेपाळ टी-२० लीगमध्ये दिसली धोनीची झलक; कॅप्टन कूलप्रमाणे यष्टीरक्षण करतानाचा व्हिडिओ व्हायरल

जेव्हा गोंधळाची परिस्थिती निर्माण झाली, तेव्हा पाकिस्तान संघ व्यवस्थापनाने स्पष्ट केले. मैदानावर बाबरच्या जागी रिजवान नसून सर्फराज स्टँड इन कॅप्टनची भूमिका बजावत आहे. हा सर्व गोंधळ बाबर आझम बाहेर असल्याने झाला होता. रिपोर्टनुसार, बाबर (बाबर आझम) विषाणूजन्य फ्लूने त्रस्त झाल्यामुळे तिसऱ्या दिवशी मैदानात येऊ शकला नाही.