T20 World Cup : पाकिस्ताननं आपली ‘चूक’ सुधारत लाँच केली नवी जर्सी!

काही दिवसांपूर्वी पाकिस्तानच्या टी-२० वर्ल्डकप जर्सीचे फोटो व्हायरल झाले होते, यात…

Pakistan launches new jersey for t20 world cup mentions indias name
पाकिस्तानची टी-२० वर्ल्डकप जर्सी

२४ ऑक्टोबर रोजी टी-२० विश्वचषकात भारत आणि पाकिस्तान यांच्यात एक हाय-व्होल्टेज सामना खेळला जाईल. विश्वचषकापूर्वीही दोन्ही देशांचे चाहते आणि क्रिकेटपंडित हे सोशल मीडियावर वादविवाद करताना दिसत आहेत. काही दिवसांपूर्वी पाकिस्तान क्रिकेट बोर्ड (पीसीबी) त्यांच्या वर्ल्डकप जर्सीबाबत केलेल्या एका गोष्टींमुळे चर्चेत आला होता. व्हायरल झालेल्या जर्सीच्या फोटोंमध्ये पाकिस्तानने भारताऐवजी यूएईचे नाव लिहिले होते.

यंदाचा टी-२० वर्ल्डकप भारतात होत नसला, तरी बीसीसीआय या स्पर्धेचे आयोजन करत आहे. आयसीसीच्या नियमांनुसार, आयसीसी स्पर्धेतील सर्व संघांना त्यांच्या जर्सीवर उजव्या बाजूला यजमान देशाचे नाव आणि वर्षासह स्पर्धेचे नाव लिहिणे अनिवार्य आहे. मात्र आता पाकिस्तानने भारताच्या नावासोबत वर्ल्डकपसाठी नवी जर्सी लाँच केली आहे.

हेही वाचा – T20 WC : टीम इंडियाच्या सराव सामन्यांचे संपूर्ण वेळापत्रक; जाणून घ्या कधी, कुठे आणि कसे पाहायचे सामने

टी-२० विश्वचषक आधी भारतात खेळला जाणार होता, परंतु भारतात करोना महामारीमुळे, बीसीसीआय आणि आयसीसीने परस्पर संमतीनंतर हे ठिकाण ओमान आणि यूएईला हस्तांतरित करण्याचा निर्णय घेतला. पाकिस्तान संघ भारतासह दुसऱ्या गटामध्ये आहे. या गटात भारताशिवाय अफगाणिस्तान आणि न्यूझीलंडचे संघ देखील सहभागी आहेत. पाकिस्तानने २००९ मध्ये टी-२० विश्वचषक ट्रॉफी जिंकली, तर २००७ मध्ये संघ अंतिम फेरीत पोहोचला होता.

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Pakistan launches new jersey for t20 world cup mentions indias name adn

Next Story
T20 WC : टीम इंडियाच्या सराव सामन्यांचे संपूर्ण वेळापत्रक; जाणून घ्या कधी, कुठे आणि कसे पाहायचे सामने
ताज्या बातम्या
फोटो गॅलरी