भारताचा अव्वल स्नूकरपटू पंकज अडवाणीने शनिवारी मलेशिया येथे पार पडलेल्या जागतिक चॅम्पियनशिपमध्ये बिलियर्ड्सच्या अंतिम फेरीत देशबांधव सौरव कोठारीचा ४-० असा पराभव करून कारकिर्दीतील २५वा जागतिक करंडक जिंकला. अडवाणीने चमकदार खेळ केला आणि कोठारीला संधी देणार नसल्याचे पहिल्याच फ्रेमपासून आपले इरादे स्पष्ट केले. या १५० पेक्षा जास्त प्रकारामध्ये अडवाणीने १४९ च्या ब्रेकसह पहिली फ्रेम घेतली. तोपर्यंत कोठारी यांनी खातेही उघडले नव्हते.

सौरवला त्याच्या पहिल्या आयबीएसएफ (आंतरराष्ट्रीय बिलियर्ड्स आणि स्नूकर महासंघ) जागतिक किताबाची प्रतीक्षा आहे. या बेस्ट ऑफ सेव्हन अंतिम सामन्यामध्ये, अडवाणीने सुरुवातीपासूनच आपले सर्वोत्तम प्रदर्शन केले आणि एका कॅलेंडर वर्षात पाचव्यांदा बिलियर्ड्स राष्ट्रीय, आशियाई आणि जागतिक ट्रॉफी जिंकण्याचा अनोखा विक्रम प्रस्थापित केला. कोठारीला दुसऱ्या फ्रेममध्ये काही संधी मिळाल्या, पण त्याचा फायदा त्याला उठवता आला नाही. दुसरीकडे अडवाणीने ७७ च्या ब्रेकच्या मदतीने २-० अशी आघाडी घेतली. यानंतर अडवाणींचा खेळ आणखी उत्तम होत गेला आणि त्याने आपल्या कौशल्याने मलेशियाच्या प्रेक्षकांनाही मंत्रमुग्ध केले.

Rohit Sharma Statement on India Win and Playing XI
IND v AFG: भारताच्या विजयानंतर प्लेईंग इलेव्हनवर रोहित शर्माचे मोठे वक्तव्य, म्हणाला; भविष्यातील सामन्यांमध्ये तीन गोलंदाज….
Portugal beat Czech Republic football news
कॉन्सेसाओने पोर्तुगालला तारले! सलामीच्या लढतीत चेक प्रजासत्ताकवर संघर्षपूर्ण विजय
Italy won the Euro Football Championship sport news
इटलीचे विजयी पुनरागमन
Divya Deshmukh wins World Junior Girls chess title
भारताची दिव्या देशमुख विजेती;अंतिम फेरीत बल्गेरियाच्या बेलोस्लाव क्रास्तेवावर मात
Arshdeep Singh to pick a wicket on the first ball of a T20 WC 2024 Match against USA
IND vs USA : अर्शदीप सिंगने रचला इतिहास! आतापर्यंत कोणत्याच भारतीय गोलंदाजाला न जमलेला केला पराक्रम
India Won Against Pakistan by 6 Runs in New York Marathi News
India vs Pakistan Highlights: रोहितच्या नेतृत्त्वाखालील टीम इंडियाचा ‘वर्ल्ड’ रेकॉर्ड, पाकिस्तानविरूद्ध विजय मिळवत रचला इतिहास
Spain Carlos Alcaraz wins French Open sport news
अल्कराझ फ्रेंच स्पर्धेचा नवविजेता; संघर्षपूर्ण अंतिम लढतीत झ्वेरेववर पाच सेटमध्ये मात
Rohit Sharma breaks Dhoni's record
IND vs IRE : रोहित शर्माने धोनीला मागे टाकत रचला इतिहास! ‘हा’ मोठा पराक्रम करणारा ठरला पहिलाच कर्णधार

अडवाणीने तिसऱ्या फ्रेममध्ये १५३ धावांचा स्पर्धेतील सर्वोच्च ब्रेक केला, ज्यामुळे तो किताबापासून केवळ एक फ्रेम दूर होता. चौथ्या फ्रेममध्ये ८० आणि ६० असे दोन ब्रेक घेत अडवाणीने ट्रॉफी जिंकली. कोठारीची कामगिरी अत्यंत निराशाजनक होती आणि त्याने केवळ ७२ गुण मिळवले. दुसरीकडे, अडवाणीने ६६० हून अधिक गुण मिळवत किताब जिंकला.

हेही वाचा :  Good News: टेनिस जगताचा बादशाह राफेल नदालच्या घरी छोट्या पाहुण्याचे आगमन 

कोविड-१९ मुळे २०१९ मध्ये शेवटची वर्ल्ड चॅम्पियनशिप खेळली गेली होती. अडवाणी यांनी याआधी १२ महिन्यांपूर्वी कतारमध्ये शेवटची वर्ल्ड ट्रॉफी जिंकली होती. त्यानंतर त्याने आयबीएसएफ ६-रेड स्नूकर वर्ल्ड कपमध्ये ट्रॉफी जिंकली. या यशानंतर पंकज अडवाणी म्हणाले की, “मी ज्या प्रकारचा खेळ दाखवला आणि यावर्षी प्रत्येक बिलियर्ड्स स्पर्धेत मी ज्याप्रकारे ट्रॉफी जिंकली त्यामुळे मी खूश आहे. जागतिक स्तरावर माझ्या देशासाठी आणखी एक सुवर्णपदक जिंकल्याचा मला अभिमान वाटतो. हा माझ्यासाठी खूप मोठा सन्मान आहे.”