पृथ्वी शॉ दुखापतग्रस्त, महाराष्ट्राच्या ऋतुराज गायकवाडला भारत अ संघात स्थान

मुंबईचा युवा सलामीवीर पृथ्वी शॉला पुन्हा एकदा दुखापतीमुळे आपलं स्थान गमवावं लागलं आहे. भारत अ संघाच्या वेस्ट इंडिज दौऱ्यात पृथ्वी शॉला दुखापतीमुळे माघार घ्यावी लागली आहे. पृथ्वी शॉच्या जागेवर महाराष्ट्राचा आक्रमक फलंदाज ऋतुराज गायकवाडला भारत अ संघात स्थान देण्यात आलं आहे. ११ जुलै पासून भारत अ संघाच्या वेस्ट इंडिज दौऱ्याला सुरुवात होणार आहे. या दौऱ्यात भारतीय संघ ५ वन-डे सामन्यांची मालिका खेळणार आहे.