काही दिवसांपूर्वीच ऑस्ट्रेलियाचा क्रिकेटपटू शेन वार्न याचे हृदयविकाराच्या झटक्याने निधन झाले होते. आज त्याच्या वाढदिवसानिमित्त सचिन तेंडुलकरने वॉर्नला शुभेच्छा देताना एक भावनिक ट्वीट केले आहे. ”वार्नी, खूप लवकर आम्हाला सोडून गेला”, असं सचिनने ट्वीटमध्ये म्हटले आहे.
हेही वाचा – ‘बीसीसीआय’ पदाधिकाऱ्यांच्या कार्यकाळासंदर्भात आज सुनावणी
शेन वार्नच्या वाढदिवसानिमित्त सचिनने त्याची आठवण काढत एक ट्वीट केले. आहे. ”वार्नी, तू फार लवकर आम्हाला सोडून गेला. तुझ्यासोबत मी अनेक अविस्मरणीय क्षण घालवले आहे. ते नेहमीच लक्षात राहील”, असे त्याने ट्वीटमध्ये लिहीले आहे.
सचिन तेंडूलकर आणि शेन वार्न हे मैदानावर एकमेकांविरोधात लढत असले तरी मैदानाबाहेर त्यांच्या घट्ट मैत्री होती. दरम्यान, शेन वार्नच्या निधानंतर सचिन भावून झाला होता. “वॉर्नी, तुझी आठवण येईल. तुझ्यासोबत मैदानावर किंवा मैदानाबाहेर कधीही कंटाळवाणा क्षण आला नाही. मैदानावरील आपले शत्रुत्व आणि बाहेरचे विनोद नेहमी लक्षात राहील. तुझ्या मनात भारतासाठी आणि भारतीयांच्या मनात तुझ्यासाठी विशेष स्थान होते,” असे सचिनने आपल्या ट्विटमध्ये म्हटले होते.
हेही वाचा – T20 World Cup India Squad : रोहित आणि द्रविडमुळेच मोहम्मद शमी राखीव खेळाडूंमध्ये; समोर आलं यामागील खरं कारण
शेन वॉर्नने ऑस्ट्रेलियाकडून १४५ कसोटी सामन्यांमध्ये ७०८ विकेट घेतल्या आहेत. तसेच एकदिवसीय आंतरराष्ट्रीय क्रिकेटमध्ये वॉर्नने १९४ सामन्यांत २९३ बळी घेतले. त्याच बरोबर त्याने प्रथम श्रेणीत १३१९ विकेट घेतल्या. श्रीलंकेच्या मुथय्या मुरलीधरननंतर कसोटी क्रिकेटमध्ये सर्वाधिक बळी घेणारा दुसरा गोलंदाज होता.
