Sachin Tendulkar @50: सचिन तेंडुलकर स्वतःचा पुरस्कार उघडू शकला नव्हता, जाणून घ्या त्याच्यावर का घातली होती बंदी?

त्यावर बंदी का घालण्यात आली होती? ती कोणत्या कारणास्तव बंदी होती? ते सांगणार आहोत. पण त्याआधी मास्टर ब्लास्टरला कोणता पुरस्कार मिळाला हे जाणून घेणे महत्त्वाचे आहे.जो पुरस्कार सचिन तेंडुलकरला उघडपणे पाहता आला नाही, तो त्याला इंग्लंडच्या भूमीवर शतक झळकावल्यामुळे मिळाला होता. ही गोष्ट त्यावेळची आहे, जेव्हा सचिन नुकताच आंतरराष्ट्रीय क्रिकेटमध्ये आला होता. त्याचं वयही फारसं नव्हतं.

पहिल्या कसोटी शतकासाठी ‘प्लेअर ऑफ द मॅच’ पुरस्कार मिळाला होता –

वर्ष होते १९९० आणि ते मैदान म्हणजे इंग्लंडमधील मँचेस्टर, जे सचिन तेंडुलकरच्या पहिल्या कसोटी शतकाचे साक्षीदार होते. तेव्हा १८ वर्षांपेक्षा कमी वयाच्या सचिनने या कसोटी सामन्याच्या चौथ्या डावात शतक झळकावले होते. त्याने भारताच्या दुसऱ्या डावात १८९ चेंडूंचा सामना करताना ११९ धावांची खेळी केली होती. त्यावेळी इंग्लंडच्या ४०८ धावांच्या लक्ष्याचा पाठलाग करताना सामना अनिर्णित राहिला होता.

सचिनचे वय कमी असल्याने त्याला शॅम्पेन उघडता आली नाही –

सचिन तेंडुलकरला त्याच्या पहिल्या आणि अतुलनीय कसोटी शतकासाठी सामनावीर पुरस्कार मिळाला. त्याला शॅम्पेनची बाटली भेट देण्यात आली. पण, नाइलाजाने, तो ती बाटली उघडू शकत नव्हता. कारण इंग्लंडमध्ये शॅम्पेनची बाटली उघडून ती पिण्याचे कायदेशीर वय १८ वर्षे होते, त्यानुसार सचिनचे वय लहान होते. त्यामुळे सचिनने ती शॅम्पेनची बाटली उघडली नाही. पण त्याने तिला सांभाळून घरी आणले. आणि, ८ वर्षांनी १९९८ मध्ये त्याची मुलगी साराच्या पहिल्या वाढदिवसाला उघडली.

५१ कसोटी शतकांचा प्रवास मँचेस्टरपासून सुरू झाला –

सचिनच्या कसोटी शतकांचा प्रवास १९९० मध्ये मँचेस्टरपासून सुरू झाला. त्यानंतर हा प्रवास ५१ शतकांवर संपला. म्हणजेच त्याने कसोटी क्रिकेटमधील शतकांचे अर्धशतक पूर्ण केले. हा विक्रम मोडने कोणत्याही फलंदाजासाठी मोठे आव्हान असेल.