Oops! शाहिद आफ्रिदीने हरभजनला मारली मिठी, पण महिला अंपायरलाही खेळाडू समजला अन् घडलं…पाहा Video

लिजेंड्स लीग क्रिकेटच्या सुरुवातीच्या सामन्यात एशिया लायन्सने विजय मिळवला. पाकिस्तानचा माजी खेळाडू मिसबाह उल हकने आक्रमक खेळी केली. श्रीलंकेचा माजी अष्टपैलू खेळाडू तिलकरत्ने दिलशान आणि असघर अफघान यांनी इनिंगच्या सुरुवातीलाच विकेट गमावल्या. त्यामुळे एशिया लायन्सच्या फलंदाजांना सुरुवातीच्या षटकांमध्ये सावध खेळी करावी लागली. परंतु, श्रीलंकेचा माजी खेळाडू उपूल थरंगाने ३९ चेंडूत ४० धावांची खेळी साकारली. तर मिसबाहने चौफेर फटकेबाजी करून मॅच विनिंग धावसंख्या फलकावर लावली.

नक्की वाचा – रोहित शर्माचा धमाका! सर्वात मोठ्या विक्रमाला घातली गवसणी, ‘या’ दिग्गज खेळाडूंच्या यादीत कोरलं नाव

इथे पाहा व्हिडीओ

मिसबाह उल हकची चौफेर फटकेबाजी

४८ वर्षांच्या मिसबाहने ५० चेंडूत ७३ धावा कुटल्या. त्याच्या आक्रमक फलंदाजीच्या जोरावर एशिया लायन्सने २० षटकांत १६५ धावांपर्यंत मजल मारली. नंबर पाचवर फलंदाजी करायला आलेल्या शाहिद आफ्रिदीला धावांचा सूर गवसला नाही. इंडिया महाराजा संघाचे गोलंदाज स्टुअर्ट बिनी आणि परविंदर अवाना यांनी प्रत्येकी दोन विकेट्स घेतल्या. इंडिया महाराचा संघाचा कर्णधार गौतम गंभीरलाही चमकदार कामगिरी करता आली नाही. साऊथपॉने ३९ चेंडूत ५४ धावा केल्या. तर मुरली विजयने १९ चेंडूत २५ धावा केल्या. सुरेश रैना आणि युसुफ पठाण यांनाही धावांचा सूर न गवस्याने संघाला पराभवाचा सामना करावा लागला.