शेन वॉर्नचं अश्लील कृत्य! टीव्ही शोमध्ये ‘तिनं’ केला धक्कादायक खुलासा; म्हणाली, “५२ वर्षाचा हा माणूस…”

कधी मद्यपान करून आणि ड्रग्ज घेऊन, तर कधी मुलींना घाणेरडे मेसेज पाठवल्याचा आरोप याआधी वॉर्नवर झाला आहे.

shane warne slammed by jessika power for sending inappropriate messages to her
जेस्सिका पॉवरचा वॉर्नबाबत खुलासा

ऑस्ट्रेलियाच्या महान फिरकी गोलंदाजांपैकी एक असलेला शेन वॉर्न यापूर्वी अनेकदा वादात सापडला होता. कधी मद्यपान करून आणि ड्रग्ज घेऊन, तर कधी मुलींना घाणेरडे मेसेज पाठवल्याचा आरोप त्याच्यावर होता. आता टीव्ही शोमध्ये सहभागी झालेल्या जेसिका पॉवरने शेन वॉर्नकडून आलेल्या त्या मेसेजबाबत प्रतिक्रिया दिली आहे. वॉर्नला विक्षिप्त उपमा देत जेसिका म्हणाली, ”त्याने मला अश्लील मेसेज पाठवले होते.”

जेसिका पॉवरने सांगितले, ”मी वॉर्नला प्रत्युत्तर दिले. तेव्हा तो’एक्स-रेटेड’ झाला. त्यामुळेच वॉर्न बहुतेक वेळा अडचणीत येतो.” जेसिकाने वॉर्नला वेडा म्हटले. तिने सांगितले, की जेव्हा तिला असे मेसेज आले तेव्हा तिचा विश्वास बसत नव्हता, की ५२ वर्षीय माजी क्रिकेटपटू असे कृत्य करू शकतो आणि असे घाणेरडे मेसेज तिला पाठवू शकतो.

ती म्हणाली, ”हे आणखी विचित्र होते, की सलग दुसऱ्या आठवड्यात माझ्या इनबॉक्समध्ये शेन वॉर्नचे मेसेज आले होते. तो एक विक्षिप्त आहे. त्याने मला पाठवलेल्या काही गोष्टी योग्य नव्हत्या. मी त्याला क्वचितच उत्तर दिले. याच कारणांमुळे तो सतत अडचणीत येतो.”

हेही वाचा – “हरभजनची माफी माग, संबंध नसताना…”, पाकिस्तानच्या दिग्गज क्रिकेटपटूनं ‘त्या’ प्रकरणी मोहम्मद आमिरला खडसावलं!

शेन वॉर्न हा क्रिकेटच्या इतिहासातील महान गोलंदाजांपैकी एक आहे. १५ वर्षांच्या आपल्या शानदार कारकिर्दीत, या दिग्गज लेग-स्पिनने १४५ कसोटी आणि १९४ एकदिवसीय सामन्यांमध्ये ऑस्ट्रेलियाचे प्रतिनिधित्व केले. कसोटी क्रिकेटमध्ये सर्वाधिक विकेट घेणारा तो दुसरा गोलंदाज आहे. त्याच्या नावावर ७०८ विकेट्स आहेत. वॉर्नने २००७ साली ऑस्ट्रेलियासाठी शेवटचा आंतरराष्ट्रीय सामना खेळला होता.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Shane warne slammed by jessika power for sending inappropriate messages to her adn

Next Story
पाहा: वधू आणि तिच्या भावाचा संगीत सोहळ्यातील धम्माल परफॉर्मन्सBride and brother pull of epic wedding dance , संगीत सोहळा, video goes viral , bride and her brother perform a Bollywood medley at the Sangeet, Loksatta, Loksatta news, Marathi, marathi news
ताज्या बातम्या