स्पेनचा स्टार टेनिसपटू राफेल नदाल याने विम्बलडन आणि टोकियो ऑलिम्पिक स्पर्धेतून माघार घेत असल्याचं जाहीर केलं आहे. शारीरिक थकवा जाणवत असल्याने या स्पर्धांमधून माघार घेत असल्याचं त्याने सांगितलं आहे. विम्बलडन स्पर्धा सुरु होण्याच्या ११ दिवसांपूर्वी त्याने हा निर्णय घेतला आहे. तर टोकियो ऑलिम्पिक २३ जुलैपासून सुरु होणार आहे. राफेल नदालने नुकताच फ्रेन्च ओपन स्पर्धेत सहभाग घेतला होता. मात्र या स्पर्धेत जोकोविचकडून पराभवाचं तोंड पाहावं लागलं होतं. 'फ्रेन्च ओपन खेळून आता दोन आठवडेच झाले आहेत. पुन्हा विम्बलडन आणि त्यानंतर टोकियो ऑलिम्पिक खेळणं कठीण आहे. त्यामुळे या कालावधीत माझ्या शरीराला तितकासा आराम मिळणं गरजेचं आहे', असं राफेल नदाल याने स्पष्ट केलं. Hi all, I have decided not to participate at this year’s Championships at Wimbledon and the Olympic Games in Tokyo. It’s never an easy decision to take but after listening to my body and discuss it with my team I understand that it is the right decision — Rafa Nadal (@RafaelNadal) June 17, 2021 फ्रेन्च ओपनमध्ये सर्बियाच्या नोवाक जोकोविचने राफेल नदालला पराभवाची चव चारली होती. चार तासाहून अधिक काळ चाललेल्या सामन्यात नदालची चांगलीच दमछाक झाली. नदालला ३-६, ६-३, ७-६, ६-२ ने पराभूत करत जोकोविचने अंतिम फेरी गाठली होती.
