पाहा पार्थिव पटेलचा वॉर्नरने टिपलेला भन्नाट झेल

मुंबईने टॉस जिंकून फलंदाजीचा निर्णय घेतला होता. सिमन्स आणि राणा बाद झाल्यानंतरही पार्थिव पटेलवर कोणताच दबाव दिसून येत नव्हता. त्याच्या बॅटला चांगलाच सुर गवसलेला पाहायला मिळत होता. अशावेळी डेव्हिड वॉर्नरने लाँग ऑनवर पार्थिव पटेलचा अप्रतिम झेल टिपला.

चेंडूचा अचूक अंदाज घेऊन चित्त्याच्या चपळाईने वॉर्नरने धावत जाऊन झेल टिपला. झेल टिपल्यानंतर त्याच जोशात त्याने सेलिब्रेशन देखील केले. वॉर्नरने टिपलेल्या झेलच्या या व्हिडिओला सोशल मीडियावर चांगली पसंती मिळत आहे. सामन्याच्या सातव्यात षटकात मुंबईला तिसरा धक्का बसला होता आणि धावसंख्या केवळ ३६ इतकी होती. हैदराबादने मुंबईला वेसण घातले. वीस षटकांच्या अखेरीस मुंबईला १३८ धावांपर्यंतच मजल मारता आली.