बाबर आझमला आयपीएलमध्ये खेळण्याची गरज – नासिर हुसैन

“मला भारत आणि पाकिस्तान यांच्यातील राजकारणात पडायचं नाही. पण हे दोन्ही देश एकमेकांशी खेळत नाही म्हणजे प्रिमीअर लिग स्पर्धेत मँचेस्टर सिटी मँचेस्टर युनायटेड सोबत खेळत नाहीये असं वाटतं. काही वर्षांपूर्वी पाकिस्तानी खेळाडू आयपीएलमध्ये खेळत होते, परंतू यानंतर बिघडलेल्या राजकीय संबंधांमुळे पाकिस्तानी खेळाडूंना प्रवेश नाकारण्यात आला. पण माझ्यामते बाबर आझम सारख्या खेळाडूंना आयपीएलमध्ये खेळण्याची गरज आहे.” एका खासगी कार्यक्रमात बोलत असताना हुसैनने आपलं मत मांडलं.

भारतात करोना विषाणूमुळे निर्माण झालेली परिस्थिती लक्षात घेता, बीसीसीआयने यंदाचा आयपीएल हंगाम युएईत आयोजित केला आहे. १९ सप्टेंबर ते १० नोव्हेंबर या कालावधीत ही स्पर्धा खेळवली जाणार आहे.