scorecardresearch

Premium

मराठमोळ्या जोडीनं भारताची शान राखली! रहाणे-शार्दुलचे दमदार अर्धशतक, भारताचा पहिला डाव २९६ धावांवर संपुष्टात

India vs Australia, WTC 2023 Final : आजच्या दिवशी भारताचा अनुभवी फलंदाज अजिंक्य रहाणे आणि शार्दुल ठाकूरने अप्रतिम फलंदाजी करून भारताची शान राखली.

India vs Australia WTC 2023 Final Score Updates
वर्ल्ड टेस्ट चॅम्पियनशिप फायनल भारत विरुद्ध ऑस्ट्रेलिया

WTC 2023 Final India vs Australia : भारत आणि ऑस्ट्रेलिया यांच्यात वर्ल्ड टेस्ट चॅम्पियनशिपचा फायनलचा सामना लंडनच्या ओव्हल मैदानात रंगत आहे. भारताने नाणेफेक जिंकून प्रथम गोलंदाजी करण्याचा निर्णय घेतला होता. त्यानंतर मैदानात फलंदाजीसाठी उतरलेल्या ऑस्ट्रेलियाने सर्वबाद ४६९ धावांपर्यंत मजल मारली. स्टीव्ह स्मिथ आणि ट्रेविस हेडच्या शानदार शतकामुळे ऑस्ट्रेलियाने धावांचा डोंगर रचला. परंतु, या धावांचा पाठलाग करताना भारताची सुरुवात खराब झाली होती. ऑस्ट्रेलियाने पहिल्या डावात ४६९ धावा केल्यानंतर दुसऱ्या दिवशीचा खेळ संपेपर्यंत भारताने १५१ धावांवर पाच विकेट्स गमावल्या होत्या.

त्यानंतर आजच्या दिवशी भारताचा अनुभवी फलंदाज अजिंक्य रहाणे आणि शार्दुल ठाकूरने अप्रतिम फलंदाजी करून भारताची शान राखली. रहाणेनं १२९ चेंडूत ८९ धावा केल्या. तसंच शार्दुल ठाकूरनेही अर्धशतकी खेळी करत ५१ धावांची खेळी केली. रविंद्र जेडजानेही ४८ धावांची खेळी करून भारताच्या धावसंख्येचा आलेख चढता ठेवला. या धावांच्या जोरावर भारताने ६९.४ षटकात सर्वबाद २९६ धावा केल्या. त्यामुळे ऑस्ट्रेलियाने १७३ धावांची आघाडी घेतली आहे.

asim sarode on rahul narvekar (1)
“अध्यक्षांनी अपात्रतेबाबत चुकीचा निर्णय दिला, तर…”, कायदेतज्ज्ञ असीम सरोदेंचं मोठं वक्तव्य
Old Malavani Aaji Writes Letter To Son After Ganpati Visit How Konkan Gets Lonely International Day Of Older Person Emotional
गणपतीला आलेला लेक, सून, नात मुंबईत निघून गेले, आणि मी पुन्हा वेडीच ठरले!
Sharad Pawar on Chhatrapati Shivaji Maharaj Wagh Nakhe
शिवाजी महाराजांच्या वाघनखांवरून वाद, शरद पवारांची पहिली प्रतिक्रिया, म्हणाले, “मला काही…”
ajit pawar
‘दादा कचऱ्याची गाडी येत नाही’, भरकार्यक्रमात महिलेची तक्रार, अजित पवारांनी दिलं मिश्किल उत्तर, म्हणाले…

नक्की वाचा – WTC Final : खराब कामगिरीमुळं विराट कोहलीला भारतीय चाहत्यांनी केलं ट्रोल, म्हणाले, “कधीही सचिन तेंडुलकरशी…”

ऑस्ट्रेलियाचा वेगवान गोलंदाज मिचेल स्टार्कने २ विकेट्स घेतल्या. तर कर्णधार पॅट कमिन्सला टीम इंडियाच्या तीन फलंदाजांना बाद करण्यात यश आलं. तसच स्कॉट बोलॅंड, कॅमरून ग्रीनलाही दोन विकेट्स मिळाल्या. तर नेथन लायनला एका विकेटवर समाधान मानावे लागलं. ऑस्ट्रेलियाच पहिला डाव संपल्यानंतर भारताने टी ब्रेकआधी पहिल्या १० षटकात ३७ धावा फलकावर लावल्या. मात्र, कर्णधार रोहित शर्मा (१५) आणि शुबमन गिल (१३) धावांवर बाद झाला. वेगवान गोलंदाज पॅट कमिन्सने रोहित शर्माला बाद केलं. तर तर गिल स्कॉट बोलॅंडच्या गोलंदाजीवर क्लीन बोल्ड झाला. भारताच्या पहिल्या इनिंगच्या १९ व्या षटकात मिचेल स्टार्कने अचूक टप्प्यावर चेंडू फेकला. चेंडूने उसळी घेतल्यानं विराट कोहलीने त्या चेंडूवर सावध खेळी करण्याचा प्रयत्न केला. परंतु, चेंडू बॅटला लागून दुसऱ्या स्लिपच्या दिशेनं गेला आणि विराट झेलबाद झाला.

Latest Comment
View All Comments
Post Comment

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Team india scored 296 runs by losing 10 wickets in first inning ajinkya rahane and shardul thakur smashes fifty ind vs aus wtc final 2023 nss

संबंधित बातम्या

तुम्ही या बातम्या वाचल्या आहेत का? ×