शेवटपर्यंत उत्कंठापूर्ण झालेल्या लढतीत तेलगू टायटन्स संघाने अग्रस्थानावर असलेल्या यू मुंबा संघावर ४४-४३ असा रोमहर्षक विजय नोंदवत प्रो-कबड्डी लीगमध्ये आव्हान कायम राखले. अन्य लढतीत पाटणा पायरेट्सने जयपूर पिंक पँथर्सला ५२-३० असे सहज हरवले.
तेलगू संघाने मुंबाविरुद्ध पूर्वार्धात २२-१५ अशी आघाडी घेतली होती. त्यांच्या विजयात राहुल चौधरी याने २२ गुण नोंदवत सिंहाचा वाटा उचलला. यू मुंबा संघाच्या पवन कुमार व अनुप कुमार यांनी प्रत्येकी १३ गुण मिळविले.
पाटणा संघाने सुरेख सांघिक खेळ करीत जयपूरविरुद्ध वर्चस्व गाजवले. त्यांनी पूर्वार्धात २५-१२ अशी आघाडी मिळविली होती. संदीप नरवाल (९) व राकेशकुमार (८) यांनी पाटणाकडून उल्लेखनीय कामगिरी केली. जयपूरच्या जसवीर व मनिंदर सिंग यांनी प्रत्येकी सात गुण मिळवत चांगली लढत दिली.
संग्रहित लेख, दिनांक 18th Aug 2014 रोजी प्रकाशित
यू मुंबा पुन्हा पराभूत
शेवटपर्यंत उत्कंठापूर्ण झालेल्या लढतीत तेलगू टायटन्स संघाने अग्रस्थानावर असलेल्या यू मुंबा संघावर ४४-४३ असा रोमहर्षक विजय नोंदवत प्रो-कबड्डी लीगमध्ये आव्हान कायम राखले.
First published on: 18-08-2014 at 12:10 IST
मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Telugu titans beat u mumbai in pro kabaddi league