क्रिकेटमध्ये आला चौथा नवा फॉरमॅट, काय आहेत नियम आणि कधीपासून होणार सुरूवात?

वेस्ट इंडिजचे महान सर क्लाईव्ह लॉयड, दक्षिण आफ्रिकेचे माजी कर्णधार एबी डिव्हिलियर्स, ऑस्ट्रेलियाचे माजी सलामीवीर मॅथ्यू हेडन आणि टीम इंडियाचा माजी खेळाडू हरभजन सिंग यांचा या नव्या स्वरूपाच्या सल्लागार मंडळात समावेश करण्यात आला आहे. याशिवाय, राजस्थान रॉयल्सचे माजी सीईओ मायकेल फोर्डहॅम यांची मुख्य कार्यकारी अधिकारी म्हणून नियुक्ती करण्यात आली आहे.

काय आहे नवीन फॉरमॅट?

कसोटी ट्वेंटी फॉरमॅटमध्ये कसोटी क्रिकेटचे पैलू टी-२० शी जोडण्याचा प्रयत्न केला जाईल. हा जगातील पहिला ८० षटकांचा फॉरमॅट असेल. पण, एकाच वेळी ४० षटकांचा सामना खेळण्याऐवजी, दोन्ही संघ २० षटकांचे दोन डाव खेळतील. यासाठी, प्रत्येक संघ कसोटी सामन्याप्रमाणेच दोनदा फलंदाजीसाठी उतरेल. कसोटी आणि टी-२० क्रिकेटचे नियम यात लागू होतील. चारही निकाल शक्य आहेत: विजय, पराभव, बरोबरी किंवा अनिर्णित.

या सामन्यांमध्ये, प्रत्येक संघाला सामन्यात एकदा चार षटकांचा पॉवरप्ले दिला जाईल. जर एखाद्या संघाने पहिल्या डावात ७५ किंवा त्याहून अधिक धावांची आघाडी घेतली तर फॉलो-ऑन देखील लागू होऊ शकतो. या सामन्यात संघ जास्तीत जास्त पाच गोलंदाज वापरू शकतात. प्रत्येक गोलंदाज सामन्यात जास्तीत जास्त आठ षटकं टाकू शकतो.

टे्स्ट ट्वेंटी फॉरमॅट कधी सुरू होणार?

टे्स्ट ट्वेंटी२० चा पहिला हंगाम जानेवारी २०२६ मध्ये सुरू होईल. सहा फ्रँचायझी यात सहभागी होतील: भारतातील तीन आणि दुबई, लंडन आणि अमेरिकेचे प्रतिनिधित्व करणारे प्रत्येकी तीन संघ असतील. प्रत्येक संघात १६ खेळाडू असतील. १६ ऑक्टोबर रोजी हा नवीन फॉरमॅट अधिकृतपणे लाँच करण्यात आला. टेस्ट ट्वेंटी ही द वन वन सिक्स नेटवर्कचे कार्यकारी अध्यक्ष गौरव बहिरवानी यांच्या विचारांतून फॉरमॅट तयार झाला आहे. या फॉरमॅटची माजी क्रिकेटपटूंनी मोठ्या प्रमाणात प्रशंसा केली आहे.

दक्षिण आफ्रिकेचा माजी क्रिकेटपटू एबी डिव्हिलियर्स म्हणाला की, कसोटी ट्वेंटीच्या परिचयामुळे क्रिकेटचा उत्साह आणखी वाढेल आणि तरुण खेळाडूंना भरपूर संधी मिळतील. वेस्ट इंडिजचे दिग्गज सर क्लाईव्ह लॉईड म्हणाले, “क्रिकेटच्या प्रत्येक युगातून अनुभव घेतल्यानंतर, मी असे म्हणू शकतो की खेळ नेहमीच अनुकूल झाला आहे, परंतु कधीही मुद्दामहून नाही. कसोटी ट्वेंटी२० खेळाची कला आणि लय परत आणते, तर आधुनिक उर्जेने तो जिवंत ठेवते.”