थायलंड खुली बॅडमिंटन स्पर्धा : सिंधू, श्रीकांतच्या कामगिरीकडे लक्ष

मलेशिया मास्टर्स बॅडमिंटन स्पर्धेत समाधानकारक कामगिरी केल्यानंतर पीव्ही सिंधू आणि किदम्बी श्रीकांतसह भारतीय खेळाडूंचे लक्ष्य मंगळवारपासून सुरू होणाऱ्या थायलंड खुल्या बॅडिमटन (सुपर ५०० दर्जा) स्पर्धेत आपल्या खेळात सातत्य राखण्याचे असेल.सिंधूने गेल्या आठवडय़ात मलेशिया मास्टर्स बॅडिमटन स्पर्धेची उपांत्य फेरी गाठली होती, तर श्रीकांतने उपांत्यपूर्व फेरीपर्यंत मजल मारली होती. या दोन्ही खेळाडूंचे लक्ष आता जेतेपद मिळवण्याकडे असेल. दोन ऑलिम्पिक पदकविजेती सिंधू माद्रिद स्पेन मास्टर्स स्पर्धेच्या अंतिम फेरीत पोहोचत जेतेपद मिळवण्याच्या जवळ होती. मात्र, तिला अपयश आले. श्रीकांत थॉमस चषकाच्या ऐतिहासिक विजयातही संघर्ष करताना दिसला. जागतिक क्रमवारीत दोन स्थानांच्या घसरणीसह १३व्या स्थानी पोहोचणारी सिंधू थायलंड स्पर्धेच्या पहिल्या फेरीत कॅनडाच्या मिशेल लीचा सामना करेल, तर श्रीकांतचा सामना मलेशिया मास्टर्सची अंतिम फेरी गाठणाऱ्या चीनच्या वेंग होंग यांगशी होईल. एचएस प्रणॉयने यांगला नमवत मलेशियन स्पर्धेचे जेतेपद मिळवले होते.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.