बरेली, उत्तर प्रदेश येथे सुरू असलेल्या राधेशाम गुप्ता स्मृती अखिल भारतीय वरिष्ठ मानांकन बॅडमिंटन स्पर्धेत नागपूरच्या वैष्णवी भालेने जेतेपदावर नाव कोरले. अंतिम लढतीत वैष्णवीने महाराष्ट्राच्याच नेहा पंडितवर २१-१९, १८-२१, २१-१७ असा विजय मिळवला. पुरुष गटात आदित्य जोशीने मुंबईकर हर्षील दाणीचा २१-१५, २१-७ असा धुव्वा उडवला. मिश्र दुहेरीत ठाण्याच्या जिष्णू सन्यालने शिवम शर्माच्या साथीने खेळताना रोहन कपूर आणि सौरभ शर्मा जोडीला २१-१७, २१-१४ असे नमवत जेतेपदावर कब्जा केला. मिश्र दुहेरीत हेमांगद्रा बाबू टी आणि अपर्णा बालन जोडीने तर महिला दुहेरीत संयोगिता घोरपडे आणि मेघना जे जोडीने जेतेपदाची कमाई केली.