IND vs AUS: विराट कोहलीचं ऑस्ट्रेलियाविरूद्ध अनोखं ‘शतक’, सचिन तेंडुलकरनंतर ‘ही’ कामगिरी करणारा भारताचा फक्त दुसरा खेळाडू

विराट कोहली त्याचा ऑस्ट्रेलियाविरुद्धचा आंतरराष्ट्रीय क्रिकेटमधील १००वा सामना आहे. ऑस्ट्रेलियाविरुद्ध १०० किंवा त्याहून अधिक आंतरराष्ट्रीय सामने खेळणारा विराट कोहली हा दुसरा भारतीय खेळाडू ठरला आहे. त्याच्या आधी सचिन तेंडुलकरने आंतरराष्ट्रीय क्रिकेटमध्ये भारताकडून ऑस्ट्रेलियाविरुद्ध ११० सामने खेळले होते. ९१ सामन्यांसह महेंद्रसिंग धोनी तिसऱ्या क्रमांकावर आहे.

हेही वाचा – IND vs AUS: गाबा कसोटीसाठी भारताची प्लेईंग इलेव्हन जाहीर, संघात २ मोठे बदल; हर्षित राणा-अश्विन…

आंतरराष्ट्रीय क्रिकेटमध्ये ऑस्ट्रेलियाविरुद्ध सर्वाधिक सामने खेळलेले भारतीय खेळाडू:

सचिन तेंडुलकर- ११० सामने
विराट कोहली- १०० सामने
महेंद्रसिंग धोनी- ९१ सामने
रोहित शर्मा- ८२ सामने
रवींद्र जडेजा- ७३ सामने

हेही वाचा – Who is D Gukesh: कोण आहे डी गुकेश? वडिलांनी करिअर लावलं पणाला अन् लेक १८व्या वर्षी ठरला विश्वविजेता; वाचा त्याची कहाणी

ऑस्ट्रेलियाविरूद्ध ५ हजार धावा

ऑस्ट्रेलियाविरुद्ध आंतरराष्ट्रीय क्रिकेटमध्ये सर्वाधिक धावा करण्याच्या बाबतीत विराट कोहली भारतासाठी दुसऱ्या स्थानावर आहे. त्याने आतापर्यंत ५३२६ धावा केल्या आहेत, ज्यात १७ शतकांचा समावेश आहे. सचिन तेंडुलकर पहिल्या क्रमांकावर आहे. त्याने ऑस्ट्रेलियाविरुद्ध आंतरराष्ट्रीय क्रिकेटमध्ये ६७०७ धावा केल्या आहेत, ज्यात २० शतकांचा समावेश आहे.

हेही वाचा – VIDEO: “सचिनने माझ्या शस्त्रक्रियेचा सगळा खर्च केला…”; विनोद कांबळीने भावुक होत सांगितला घटनाक्रम

गाबाच्या मैदानावर खेळला जाणाऱ्या तिसऱ्या कसोटी सामन्यात पावसाने व्यत्यय आणला आहे. सामना सुरू झाल्यानंतर दोन वेळा पावसामुळे खेळ थांबवण्यात आला. यासह १३.२ षटकांमध्ये ऑस्ट्रेलियाने एकही विकेट न गमावता २८ धावा केल्या आहेत. भारताकडून बुमराह, सिराज आणि आकाशदीप यांनी गोलंदाजी केली आहे. दुसऱ्यांदा पावसामुळे सामना थांबवण्यात आल्याने लंच ब्रेक घेण्यात आला आहे.