scorecardresearch

Premium

Wold cup 2023, IND vs SL: उपांत्य फेरीतील स्थान निश्चितीचे भारताचे लक्ष्य! वानखेडेवर आज २०११च्या अंतिम लढतीची पुनरावृत्ती

भारताचे २०११ सालचे विश्वविजेतेपद..धोनीचा तो षटकार..सचिनला संघ-सहकाऱ्यांनी उचलून मैदानावर मारलेली फेरी या सर्व आठवणी आज, गुरुवारी ताज्या होणार आहेत.

Wold cup 2023 india vs sri lanka match sport cricket news
Wold cup 2023, IND vs SL: उपांत्य फेरीतील स्थान निश्चितीचे भारताचे लक्ष्य! वानखेडेवर आज २०११च्या अंतिम लढतीची पुनरावृत्ती

अन्वय सावंत

मुंबई : भारताचे २०११ सालचे विश्वविजेतेपद..धोनीचा तो षटकार..सचिनला संघ-सहकाऱ्यांनी उचलून मैदानावर मारलेली फेरी या सर्व आठवणी आज, गुरुवारी ताज्या होणार आहेत. याचे कारण म्हणजे, २०११च्या एकदिवसीय विश्वचषकाच्या अंतिम लढतीची आज पुनरावृत्ती होणार असून भारत आणि श्रीलंका हे संघ मुंबईच्या वानखेडे स्टेडियमवर समोरासमोर येणार आहेत.

India vs England 4th Test Match Toss Updates in marathi
IND vs ENG 4th Test : कोण आहे आकाश दीप? ज्याने रांची कसोटीत भारतासाठी केले पदार्पण
England vs India match preview,
मायदेशातील वर्चस्व राखण्याची संधी! फिरकीला अनुकूल खेळपट्टीवर भारत इंग्लंड चौथी कसोटी आजपासून
The team selection for the remaining matches india against England test match continues
श्रेयसच्या निवडीचा मुद्दा ऐरणीवर; इंग्लंडविरुद्धच्या उर्वरित सामन्यांसाठी संघनिवडीची प्रतीक्षा कायम
Rohit Sharma and Ajit Agarkar Video Viral
IND v ENG : भर सामन्यात अजित आगरकरांची मैदानात एन्ट्री! रोहित शर्माशी चर्चा करतानाचा VIDEO होतोय व्हायरल

१२ वर्षांपूर्वी वानखेडेवरच झालेल्या अंतिम लढतीत श्रीलंकेकडून महेला जयवर्धने, कुमार संगकारा आणि मुथय्या मुरलीधरन यांसारखे दिग्गज खेळाडू खेळले होते. या खेळाडूंच्या निवृत्तीनंतर श्रीलंका क्रिकेटचा स्तर ढासळला असून यंदाच्या एकदिवसीय विश्वचषकात त्यांनी सहापैकी केवळ दोन सामने जिंकले आहेत. त्यामुळे स्पर्धेतील आव्हान शाबूत राखण्यासाठी श्रीलंकेला विजय महत्त्वाचा आहे. त्यांना गेल्या सामन्यात अफगाणिस्तानकडून पराभव पत्करावा लागला होता.

हेही वाचा >>>NZ vs SA, World Cup 2023: दक्षिण आफ्रिकेने न्यूझीलंडला केले चारीमुंड्या चीत, तब्बल १९० धावांनी केला दारूण पराभव

दुसरीकडे, रोहित शर्माच्या नेतृत्वाखालील भारतीय संघाने यंदाच्या स्पर्धेत प्रतिस्पध्र्यावर वर्चस्व गाजवताना सहापैकी सहा सामने जिंकले आहे. भारताने पहिले पाच विजय हे धावांचा पाठलाग करताना मिळवले होते. मात्र, गेल्या सामन्यात लखनऊच्या आव्हानात्मक खेळपट्टीवर इंग्लंडने नाणेफेक जिंकून भारताला फलंदाजीचे आमंत्रण दिले. भारताला ५० षटकांत २२९ धावांचीच मजल मारता आली होती. मात्र, जसप्रीत बुमरा, मोहम्मद शमी यांच्यासह सर्वच गोलंदाजांनी उत्कृष्ट मारा केला आणि गतविजेत्या इंग्लंडला केवळ १२९ धावांत गुंडाळत भारताला सलग सहावा विजय मिळवून दिला. आता श्रीलंकेला नमवण्यात यश आल्यास भारताचे उपांत्य फेरीतील स्थान निश्चित होईल. वानखेडेवर यंदाच्या स्पर्धेतील पहिल्या दोन सामन्यांत दक्षिण आफ्रिकेने प्रथम फलंदाजी करताना अनुक्रमे ३९९ व ३८२ धावांची मजल मारली होती. त्यामुळे या लढतीत भारताला प्रथम फलंदाजीची संधी मिळाल्यास पुन्हा मोठी धावसंख्या पाहायला मिळू शकेल.

हेही वाचा >>>IND vs SL: वानखेडे स्टेडियमवर रंगणार भारत आणि श्रीलंका यांच्यातील रोमांचक सामना, जाणून घ्या दोन्ही संघांची संभाव्य प्लेइंग इलेव्हन

मुंबईकरांच्या कामगिरीवर नजर

  • ’ भारतीय संघात कर्णधार रोहित शर्मा, श्रेयस अय्यर, सूर्यकुमार यादव आणि शार्दूल ठाकूर या मुंबईकर खेळाडूंचा समावेश आहे. घरच्या मैदानावर हे खेळाडू कशी कामगिरी करतात याकडे सर्वाचे लक्ष असेल.
  • ’  श्रेयस अय्यरच्या कामगिरीत सुधारणा गरजेची आहे. यंदाच्या स्पर्धेतील सहा सामन्यांत त्याला केवळ एक अर्धशतक करता आले आहे. विशेषत: उसळी घेणाऱ्या चेंडूंविरुद्ध तो अडखळताना दिसला आहे.
  • ’ आपला आदर्श सचिन तेंडुलकरच्या ज्या मैदानावर पुतळा उभारण्यात आला, त्याच मैदानावर सचिनच्या ४९ एकदिवसीय शतकांच्या विक्रमाशी बरोबरी करण्यासाठी विराट कोहली उत्सुक असेल.

श्रीलंकेची भिस्त मेंडिस, समरविक्रमावर

  • ’ श्रीलंकेला भारतीय संघाचा विजयरथ रोखायचा झाल्यास कर्णधार कुसाल मेंडिस, सदीरा समरविक्रमा आणि पथुम निसांका यांसारख्या फलंदाजांना आपली सर्वोत्तम कामगिरी करावी लागेल.
  • ’ समरविक्रमा आणि निसांका लयीत आहेत. समरविक्रमाने सहा सामन्यांत प्रत्येकी एक शतक आणि अर्धशतकासह ३३१ धावा केल्या आहेत. सलामीवीर कुसाल परेराने कामिगरी उंचावणे गरजेचे आहे.
  • ’ अनुभवी अष्टपैलू अँजेलो मॅथ्यूजची भूमिकाही श्रीलंकेसाठी महत्त्वाची ठरेल. गोलंदाजीत डावखुरा दिलशान मदुशंका वेगवान मारा करून भारतीय फलंदाजांना अडचणीत टाकेल अशी श्रीलंकेला आशा असेल.

’ वेळ : दुपारी २ वा.

’ थेट प्रक्षेपण : स्टार स्पोर्ट्स १, २, १ हिंदी,  हॉटस्टार अ‍ॅप

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Wold cup 2023 india vs sri lanka match sport cricket news amy

First published on: 02-11-2023 at 00:07 IST

संबंधित बातम्या

तुम्ही या बातम्या वाचल्या आहेत का? ×