25 October 2020

News Flash

‘या’ गोष्टींमुळे तुम्ही ठरु शकता इतरांपेक्षा वेगळे

बदल आवश्यक

नोकरीच्या ठिकाणी किंवा मित्र-मंडळींमध्ये आपण सगळ्यांमध्ये उठून आणि वेगळे असावे असे अनेकांना वाटत असते. जगातील प्रत्येक व्यक्तीची वैशिष्ट्ये वेगळी असतात. दिवसाला आपण अनेक नवीन लोकांना भेटत असतो पण त्यातले काही जण आपल्या विशेष लक्षात राहतात. याचे कारणही तसेच आहे हे लोक त्यांच्या वैशिष्ट्यांमुळे आपल्या मनावर छाप पाडतात. आता असे उठून दिसण्यासाठी आणि आपली वेगळी ओळख निर्माण होण्यासाठी काय करावे याबाबत मात्र आपल्याला योग्य ती माहिती नसते. पाहूयात असे कोणते गुण अंगी बाणवल्यास तुम्ही इतरांपेक्षा वेगळे ठराल…

छाप पाडणारे संवाद कौशल्य

एकमेकांशी संवाद साधणे ही आपल्याला नियमित क्रिया वाटते. पण ही क्रिया जास्तीत जास्त प्रभावी व्हावी यासाठी तुमच्याकडे उत्तम संवादकौशल्य असणे आवश्यक आहे. तुमची संवाद साधण्याची पद्धत समोरच्यावर छाप पाडत असेल तर तुम्ही त्या व्यक्तीच्या विशेष लक्षात राहता आणि इतरांपेक्षा वेगळे आहात असेही वाटू लागते. त्यामुळे संवाद कौशल्य सुधारणे व्यक्तिमत्त्व विकासातील अत्यावश्यक गोष्ट आहे.

जीवनातील विविध गोष्टींचा अनुभव

प्रत्येक जण दिवसागणिक अनेक अनुभव गाठीशी बांधत असतो. तुम्ही जितके जास्त ज्ञान मिळवाल तेवढा तुमच्या आयुष्यातील अनुभव वाढत जातो. म्हणून तुम्ही सतत ज्ञान घेत राहणे आवश्यक आहे. त्यामुळे लहान लहान गोष्टीतून शिकत राहा आणि अनुभव गाठीशी बांधत राहा. त्यामुळे तुम्ही नक्कीच अनुभव संपन्न व्हाल आणि त्याचा तुमचे व्यक्तिमत्त्व खुलण्यास चांगला उपयोग होईल.

अॅटीट्यूड

तुमचा अॅटीट्यूड प्रत्येक गोष्टीत अतिशय महत्त्वाचा असतो. जीवनातील कोणत्याही कठिण परिस्थितीचा सामना करण्यासाठी तो अतिशय महत्त्वाचा असतो. तुम्ही जर परिपक्व असाल तर तुम्ही कोणत्याही व्यक्तीला, परिस्थितीला चांगल्या पद्धतीने सामोरे जाऊ शकता.

नातेसंबंध

तुमचे नातेसंबंध तुमच्या व्यक्तिमत्त्वाविषयी काही गोष्टी स्पष्ट करत असतात. तुम्ही इतरांबरोबर असलेले तुमचे नाते कसे जपता आणि आजुबाजूचे लोक आनंदी रहावेत यासाठी काय करता हेही महत्त्वाचे आहे. अनेक जणांचे आपल्या कुटुंबासोबत, जोडीदारासोबत आणि मित्रमंडळींसोबत वाद असतात. पण ही नाती तुम्ही चांगल्या पद्धतीने सांभाळू शकलात तर तुम्ही नक्कीच इतरांपेक्षा वेगळे आहात हे सिद्ध होते.

 

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 21, 2018 2:35 pm

Web Title: what are the qualities that can make your different identity
Next Stories
1 घाबरू नका, आपला मोबाइल नंबर 10 अंकीच राहणार
2 भारतात फिरण्यासाठीची ५ ‘ऑफ बीट’ ठिकाणं
3 खई के पकोडम पोर्तुगीजवाला!
Just Now!
X