डायबिटीज पेशंट्स बटाटे खाऊ शकतात का? भाजी शिजवण्याची पद्धत कशी बदलायला हवी? पोषणतज्ज्ञांनी थेटच सांगितलं

बटाट्यामध्ये मोठ्या प्रमाणात कार्ब्स असतात. कार्ब्स शरीरातील शुगर लेवल वाढवण्याचं काम करतं, त्यामुळे अनेक रुग्ण बटाटा खाणं टाळतात. पोषणतज्ज्ञ अमिता गद्रे यांनी त्यांच्या इन्स्टाग्राम पेजवर सत्य उघड केले आणि गोंधळ कायमचा दूर केला.

Are Potatoes Good Or Bad For Diabetics? An Expert Says This healthy ways to consume potatoes

डायबिटीज पेशंट्स बटाटे खाऊ शकतात का? भाजी शिजवण्याची पद्धत कशी बदलायला हवी? पोषणतज्ज्ञांनी थेटच सांगितलं (Photo: Freepik)

बटाटे हे जगभरात सर्वाधिक खाल्ल्या जाणाऱ्या भाज्यांपैकी एक आहेत. ते अनेक प्रकारे शिजवता येतात, ज्यामुळे ते अतिशय बहुमुखी बनतात. तुम्हाला ते उकडलेले, तळलेले, भाजलेले किंवा बेक केलेले आवडत असले तरी या सर्व प्रकारांमध्ये ते चवदार लागतात. बटाटे आपल्यापैकी अनेकांना आवडतात, तर काही जण ते पूर्णपणे टाळतात, विशेषतः मधुमेही. कारण त्यांना भीती वाटते की बटाटे खाल्ल्याने त्यांच्या रक्तातील साखरेची पातळी वाढू शकते. मधुमेहाच्या रुग्णांना कायम त्यांचं अमुक खाल्ल्यास शुगर लेवल वाढणार तर नाही ना, अशी भीती वाटत असते. त्याअभावी मधुमेहाचे रुग्ण अनेक गोष्टी खाणं टाळतात. बटाट्यामध्ये मोठ्या प्रमाणात कार्ब्स असतात. कार्ब्स शरीरातील शुगर लेवल वाढवण्याचं काम करतं, त्यामुळे अनेक रुग्ण बटाटा खाणं टाळतात. पोषणतज्ज्ञ अमिता गद्रे यांनी त्यांच्या इन्स्टाग्राम पेजवर सत्य उघड केले आणि गोंधळ कायमचा दूर केला.

डायबिटीज पेशंट्स बटाटे खाऊ शकतात का?

बटाटे मधुमेहाच्या आहाराचा भाग असू शकतात का? अमिता स्पष्ट करतात की, बटाट्यांमध्ये कॉम्प्लेक्स कार्बोहायड्रेट्स असतात, परंतु त्यात प्रामुख्याने स्टार्च असते, जे लवकर पचते. तुम्ही ते उकडलेले, तळलेले किंवा इतर कोणत्याही स्वरूपात खात असलात तरी रक्तातील साखरेची पातळी वाढते. या कारणास्तव मधुमेहींना बटाट्यांचे सेवन टाळण्याचा किंवा मर्यादित करण्याचा सल्ला दिला जातो.

बटाटे खाण्याचा सर्वात आरोग्यदायी मार्ग कोणता आहे?

बटाटे बेक करणे, भाजणे, उकळणे हे बटाटा सेवन करण्याचे सर्वात आरोग्यदायी मार्ग आहेत. या पद्धती त्यांच्या पोषक तत्त्वांचे जतन करण्यास आणि अस्वास्थ्यकर चरबी टाळण्यास मदत करतात. मात्र, तरीही याचा अर्थ असा नाही की ते तुमच्या रक्तातील साखरेच्या पातळीत कोणतीही वाढ करणार नाहीत. पोषणतज्ज्ञांच्या मते, तुम्ही निरोगी स्वयंपाक पद्धत वापरली तरीही स्टार्चचे मूळ स्वरूप टिकून राहते. रक्तातील साखरेतील वाढ रोखण्यासाठी, बटाटे भाज्या किंवा प्रथिनांच्या स्रोतासोबत खाण्याचा सल्ला दिला जातो.

हेही वाचा >> भाज्यांचे-फळांचे ज्यूस डाएट म्हणून रोज पिताय? थांबा! आधी जाणून घ्या, वजन कमी करण्यासाठी कोणता रस फायदेशीर

डायबिटीज पेशंट्ससाठी कोणते बटाटे सर्वोत्तम आहेत?

बाजार वेगवेगळ्या प्रकारच्या बटाट्यांनी भरलेला आहे आणि तुमच्यासाठी कोणता पर्याय सर्वोत्तम आहे हे ठरवणे कठीण असू शकते. मधुमेहींसाठी, करीश्मा आणि निकोलासारखे गोड बटाटे आणि मेणासारखे बटाटे हे चांगले पर्याय मानले जातात. त्यांचा ग्लायसेमिक इंडेक्स (GI) कमी असतो आणि पांढऱ्या बटाट्यांच्या तुलनेत त्यात कमी स्टार्च असते. बटाटे अधिक योग्य बनवण्यासाठी, तळण्याऐवजी बेकिंग, उकळणे किंवा भाजणे निवडा आणि कार्ब्स संतुलित करण्यासाठी प्रथिनेयुक्त पदार्थ किंवा भाज्यांसोबत बटाटे खा.

डायबिटीज पेशंट्स बटाट्यांचे सेवन योग्य प्रमाणात आणि योग्य पद्धतीने सावधगिरी बाळगूनही घेऊ शकतात.