नव्या इंजिनसह लाँन्च झाली ‘बजाज’ची प्लॅटिना, किंमतही बदलली

इंजिन –

अपडेटेड बजाज प्लॅटिना 110 एच-गिअरमध्ये सर्वात मोठा बदल म्हणजे यात दिलेले बीएस-6 इंजिन. या बाइकमध्ये बीएस-6, 115cc, सिंगल-सिलिंडर, एअर-कुल्ड इंजिन आहे. 5-स्पीड गिअर बॉक्ससह हे अपडेटेड इंजिन 8.44hp ऊर्जा आणि 9.81Nm टॉर्क निर्माण करते. बीएस-4 व्हर्जनच्या तुलनेत बीएस-6 इंजिनची पावर थोडी कमी आहे. बाइकमध्ये एलईडी डीआरएलसह हॅलोजन हेडलॅम्प, ब्लॅक अॅलॉय व्हील्स आणि गिअर शिफ्ट गाइडसह डिजिटल-अॅनालॉग इंस्ट्रुमेंट क्लस्टर हे फीचर्स आहेत. बाइकच्या पुढील बाजूला टेलिस्कोपिक फोर्क्स आणि रिअरमध्ये नाइट्रॉक्स-चार्ज्ड ट्विन स्प्रिंग शॉक अब्जॉर्बर्स सस्पेंशन सिस्टिम आहे. ब्रेकिंगसाठी फ्रंटमध्ये 240mm डिस्क ब्रेक आणि रिअरमध्ये 110mm ड्रम ब्रेक आहे. ब्लॅक आणि रेड कलरमध्ये ही बाइक उपलब्ध आहे. बीएस-6 इंजिनशिवाय प्लॅटिना 110 एच-गिअरमध्ये अन्य काही बदल करण्यात आलेला नाही. गाडीची डिझाइन आणि अन्य फीचर्स आधीप्रमाणेच आहेत.

किंमत –

कंपनीने BS6 Bajaj Platina 110 H-Gear ची एक्स-शोरुम किंमत 59,802 रुपये ठेवली आहे. बीएस-4 मॉडेलच्या तुलनेत बीएस-6 प्लॅटिना 110 एच-गिअरची किंमत 3,431 रुपयांनी अधिक आहे. बीएस-4 डिस्क व्हेरिअंटची किंमत 56,371 रुपये होती.