अंड्याचे कवच फेकून देण्याऐवजी असा करा त्याचा वापर, जाणून घ्या वापराची योग्य पद्धत आणि फायदे…

अंड्याच्या कवचाचा वापर

अंड्याच्या कवचाची पावडर तयार करण्यासाठी सर्वात आधी ती स्वच्छ धुवून घ्या. त्यानंतर ती व्यवस्थित कोरडी करून उन्हात सुकवून घ्या. नंतर बारिक ठेचून त्याची पावडर तयार करा.

फेस पॅक बनवण्यासाठी

अंड्याच्या कवचापासून फेसपॅकही तयार करू शकता. यासाठी एक चमचा अंड्याच्या कवचाच्या पावडरमध्ये मध मिसळा आणि ती चेहऱ्यावर लावा. १५ मिनिटांनी ती धुवून टाका. यामुळे त्वचा चमकदार होते. तसंच सुरकुत्या, मुरूम याचा त्रास कमी होतो. शिवाय तुम्ही एक चमचा दूध, एक चमचा मध, अर्धा चमचा बेसन, झेंडूच्या फुलाचा रस असा फेसपॅक तयार करून लावल्यास चेहरा तजेलदार दिसतो.

हेअर पॅक तयार करण्यासाठी

अंड्याच्या कवचांचा उपयोग हेअर पॅक तयार करण्यासाठीदेखील होतो. यासाठी अंड्याच्या कवचात घट्ट दही मिसळा. केसांच्या मूळांपासून टोकांपर्यंत हे मिश्रण लावा. केस धुतल्यानंतर तुमच्या केसांना एक वेगळीच चमक येईल.

अंड्याच्या कवचापासून खत

अंड्याचे कवच फेकून देण्याऐवजी त्याच्यापासून खत तयार करता येऊ शकते. कारण यामध्ये भरपूर कॅल्शियम असते. ते झाडांच्या वाढीसाठी अतिशय उपयुक्त ठरते. यासाठी तुम्हाला हे अंड्याचे कवच व्यवस्थित बारीक करून झाडात टाकायचे आहेत.