scorecardresearch

रिफाइंड तेलाचा अतिवापर शरीरासाठी ठरू शकतो हानिकारक! जाणून घ्या वापरण्याचे योग्य प्रमाण

आहारातील तेलाचे प्रमाण नियंत्रित ठेवणे आवश्यक आहे. विशेषत: रिफाइंड तेल वापरत असल्यास, त्याचे प्रमाण बारकाईने निरीक्षण करणे आवश्यक आहे.

रिफाइंड तेलाचा अतिवापर शरीरासाठी ठरू शकतो हानिकारक! जाणून घ्या वापरण्याचे योग्य प्रमाण
photo(pixabay)

कचोर्‍या, पुरी, समोसे असो की चाट केक हे असे खाद्यपदार्थ आहेत, ज्याचे नाव घेताच तोंडाला पाणी सुटते. तळलेले, मसालेदार पदार्थ खायला छान लागतात. परंतु त्यांचे जास्त सेवन केल्याने कोलेस्ट्रॉल, उच्च रक्तदाब, हृदयविकार आणि यकृताच्या समस्या होण्याचा धोका वाढतो. आहारात विशिष्ट प्रमाणात तेल केवळ चवीसाठीच नाही तर आरोग्यासाठीही आवश्यक आहे. पण त्यांचा अतिरेक देखील वाईट आहे. अन्न तयार करण्यासाठी वापरल्या जाणार्‍या तेलामध्ये शरीराला आवश्यक असलेले पोषक घटक असतात; पण त्यातही भरपूर चरबी असते.

त्यामुळे आहारातील तेलाचे प्रमाण नियंत्रित ठेवणे आवश्यक आहे. विशेषत: रिफाइंड तेल वापरले असल्यास, त्याचे प्रमाण बारकाईने निरीक्षण करणे आवश्यक आहे. चला जाणून घेऊया एका दिवसात शरीरासाठी किती तेल पुरेसे आहे. निरोगी शरीरासाठी तेलाची निश्‍चितच गरज असते. त्वचा, केस आणि हाडांचे आरोग्य चांगले ठेवण्यासाठी आहारातील तेलांचा वापर केला जातो. आरोग्य तज्ञांच्या मते, निरोगी शरीरासाठी दररोज जास्तीत जास्त ३ ते ४ चमचे रिफाइंड तेल पुरेसे आहे. एका दिवसात २० ग्रॅमपेक्षा जास्त तेलाचे सेवन हानिकारक असू शकते.

( हे ही वाचा: Viral Infection: बदलत्या ऋतूत वाढतोय व्हायरल इन्फेक्शनचा धोका; ‘ही’ लक्षणे दिसताच वेळीच व्हा सावधान)

आरोग्याशी संबंधित कोणतीही समस्या असल्यास तेलाचे प्रमाण कमी करता येते. दोन चमचे तेल देखील शरीराला पोषक तत्वे पुरवण्यासाठी पुरेसे असू शकते. त्यामुळे आहारात तेलाचे प्रमाण जास्त असेल तर ते सावधगिरीने कमी करावे.

तेलाचा वापर कसा कमी करायचा?

  • डीप फ्राय फूड म्हणजे जास्त वेळ तळलेले पदार्थ खाणे बंद करा
  • भाज्या शिजवताना एक किंवा दोन चमचे तेलापेक्षा जास्त तेल वापरू नका.
  • वाफवलेल्या पदार्थांचा आहारात मोठ्या प्रमाणात समावेश करावा.
  • चपाती किंवा रोटीवर तूप लावू नये
  • स्वयंपाक तेलाचा योग्य प्रकार निवडा
  • पोषणतज्ञांचा सल्ला घ्या

( हे ही वाचा: पायाच्या त्वचेचा रंग सांगेल शरीरातील कोलेस्टेरॉलची पातळी; वेळीच जाणून घ्या)

स्वयंपाकाच्या तेलात ज्यामध्ये पॉलीअनसॅच्युरेटेड फॅट जास्त असते, तेल गरम केल्यानंतर ते अॅल्डिहाइडमध्ये बदलते. त्यामुळे तेल गरम केल्यानंतर त्याचा वास येऊ लागतो. असे तेल आपल्या शरीरासाठी हानिकारक आहे. या तेलांचे जास्त प्रमाणात सेवन केल्याने आपल्या शरीरातील पीएच पातळी खराब होऊ शकते. यामुळे वजन वाढणे, कोलेस्ट्रॉलची पातळी कमी होणे, बद्धकोष्ठता आणि पचनाच्या समस्या यासारख्या समस्या उद्भवतात. त्याचप्रमाणे यकृतावरही परिणाम होतो.

मराठीतील सर्व लाइफस्टाइल ( Lifestyle ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Excessive use of refined oil is harmful for the body use the same amount daily gps