How to Lower Bad Cholesterol Naturally: सध्याच्या धावपळीच्या आणि व्यग्र जीवनशैलीमुळे लोकांच्या खाण्या-पिण्याच्या सवयी बिघडत आहेत आणि त्यामुळे लोक सातत्याने नवनवीन आजारांना बळी पडत आहेत. सतत खाण्या-पिण्याशी संबंधित चुका करीत राहिल्याने उच्च रक्तदाब (High Blood Pressure) आणि हृदयविकाराचा धोका वाढतो, त्याशिवाय शरीरातील खराब कोलेस्ट्रॉलचे प्रमाणही वाढते. त्यामुळे अनेक आजार होऊ शकतात. तथापि आपल्या आहार आणि जीवनशैलीकडे लक्ष देऊन शरीरातील खराब कोलेस्ट्रॉलचे वाढते प्रमाण रोखले जाऊ शकते. त्यासाठी तुम्ही ताबडतोब तुमची बिघडलेली जीवनशैली सुधारणा करीत बदलली पाहिजे. त्यासाठी आज आपण तुमच्या घरातील एक पदार्थ तुमच्या रक्तातील खराब कोलेस्ट्रॉल कसे कमी करू शकते, हे जाणून घेणार आहोत.
अमेरिकन सोसायटी फॉर न्यूट्रिशनने २०१५ मध्ये केलेल्या अभ्यासानुसार, आहारात फ्लॅक्स सीडचे सेवन केल्याने शरीरातील वाढणारे कोलेस्ट्रॉल कमी होते. या संशोधनाच्या अगदी सुरुवातीस, टीमला पीएडी रुग्णांमध्ये फ्लॅक्स सीडमुळे खराब कोलेस्ट्रॉलचे प्रमाण १५ टक्के कमी झाल्याचे आढळले, ज्यामुळे त्यांना आश्चर्य वाटले.
जवसाचा शरीरावर होतेय चांगला प्रभाव
पेरिफेरल आर्टरी डिसीज असलेल्या लोकांनी जवसाचे सेवन केल्यास, त्यांच्या शरीरातील खराब कोलेस्ट्रॉलचे प्रमाण कमी होते आणि कोलेस्ट्रॉल-कमी करणार्‍या औषधांसोबत जवस घेतल्यास शरीरातील कोलेस्ट्रॉलवर परिणाम न होता, अतिरिक्त कोलेस्ट्रॉल कमी होऊ शकते. इतकेच नाही, तर तुमचा रक्तदाब नियंत्रित ठेवण्यासही त्यामुळे मदत होते. पेरिफेरल आर्टरी डिसीज (Peripheral Artery Disease – PAD) याला मराठीत परिधीय धमनी रोग असे म्हणतात. ही एक रक्ताभिसरणाची (रक्तसंचारणाची) स्थिती आहे जिथे हात आणि विशेषतः पायांच्या धमन्या अरुंद होतात. यामुळे शरीराच्या या अवयवांना पुरेसा रक्तपुरवठा होत नाही आणि चालताना पाय दुखू शकतात, ज्याला क्लाॅडिकेशन (Claudication) म्हणतात. खराब कोलेस्ट्रॉल कमी करण्यासाठी आणि हृदयाच्या आरोग्यासाठी अंबाडीच्या बिया खूप चांगल्या आहेत यात शंका नाही. परंतु, जवसामुळे बद्धकोष्ठता आणि पोटाचे अनेक आजार दूर होतात. या कारणास्तव जवस हे पृथ्वीवर आढळणारे सर्वांत पौष्टिक अन्न आहे, असे म्हटले जाते.
जवस ‘असे’ लढते कोलेस्ट्रॉलशी
प्राचीन काळापासून लोक आपल्या आहारात जवसाचा वापर करत आहेत. जवसासोबत त्याचे तेलदेखील वापरले जाते. ग्रीक, रोमन, इजिप्शियन, चिनी आणि भारतीय संस्कृतींमध्ये याचा मोठ्या प्रमाणावर वापर केला जातो. जवसामध्ये ओमेगा ३ व ओमेगा ६ फॅटी अॅसिड, विरघळणारे फायबर आणि प्रथिने मुबलक प्रमाणात असतात. हे सर्व पोषक घटक खराब कोलेस्ट्रॉल काढून टाकतात, ज्यामुळे हृदयविकाराचा धोका कमी होतो.
जवस रोज किती प्रमाणात खावे ?
आरोग्य तज्ज्ञांच्या मते, रोजच्या आहारात एक चमचा जवसाचा वापर केला पाहिजे. पण, जवसाच्या बिया कधीही कच्च्या खाऊ नका. त्या नेहमी आधी भाजून घ्या आणि नंतर खा. त्याचे फायदे मिळविण्यासाठी त्यांचे योग्य प्रमाणात सेवन करणे आवश्यक आहे. तुम्ही ते आणखी अनेक ड्रायफ्रूट्स आणि फक्त बियाही भाजून खाऊ शकता.
जवसाच्या बिया भाजून, बारीक करून, स्मूदी, हलवा, लापशी, लाडू आणि दह्यामध्ये मिसळूनही खाता येतात. सर्वसाधारणपणे प्रत्येकाला जवसाच्या तेलाचे सेवन करण्याचा सल्ला दिला जाऊ शकत नाही कारण- त्यात आवश्यकतेपेक्षा जास्त अॅसिटिक घटक असतात, जे चुकीच्या प्रमाणात सेवन केल्यास, त्याचा आरोग्यावरही वाईट परिणाम होऊ शकतो. कोणत्याही आजाराने त्रस्त असलेल्या व्यक्तींनी डॉक्टरांच्या सल्ल्यानेच जवसाचे सेवन करावे. तुम्ही जर कोणतेही औषध किंवा सप्लिमेंट घेत असाल, तर जवसाचे सेवन करण्यापूर्वी डॉक्टरांचा सल्ला घ्या.
