Hair Care Tips: लहान वयात केस पांढरे झालेत? जाणून घ्या कारणे आणि प्रतिबंध करण्याच्या पद्धती

२०१६ मध्ये इंडियन जर्नल ऑफ डर्मेटोलॉजीमध्ये प्रकाशित झालेल्या एका संशोधनानुसार, भारतातील केनाइटिस रोगामुळे, लोकांचे केस २० वर्ष किंवा त्यापूर्वी पांढरे होऊ लागतात. ते लपवण्यासाठी लोक केसांमध्ये वेगवेगळे हेअर कलर, हेअर प्रोडक्ट्स वापरतात. चला जाणून घेऊया ज्या कारणांमुळे लहान वयात केस पांढरे होतात आणि ते कसे टाळता येईल.

(हे ही वाचा: तुमच्या ‘या’ पाच चुका रक्तातील साखर वाढवू शकतात, जाणून घ्या कसे ठेवावे नियंत्रण)

तणाव

तणावामुळे केस पांढरे होऊ शकतात. तणावामुळे निद्रानाश, चिंता आणि भूक न लागणे यासारख्या समस्या उद्भवू शकतात, ज्यामुळे केस गळणे आणि पांढरे होऊ शकतात.

अतिरिक्त सूर्यप्रकाश

सूर्यामुळे निर्माण होणारे अल्ट्रा व्हायोलेट किरणं केवळ त्वचेसाठीच नाही तर केसांसाठीही हानिकारक असतात. जास्त वेळ उन्हात घालवणे हे केस अकाली पांढरे होण्यामागे एक प्रमुख कारण असू शकते.

(हे ही वाचा: ‘या’ ४ राशींची मुलं वाचन आणि लेखनात मानली जातात हुशार, त्यांना कमी वयात मिळते यश)

खराब अन्न

आजकाल बहुतेक तरुणांना तळलेले, मसालेदार पदार्थ आवडतात. आपल्या आहारात तळलेले पदार्थ विशेषत: मिरची, मीठ आणि आंबट जास्त प्रमाणात घेतल्याने पित्त शरीरात वाढते. पित्त हे उष्णता वाढवते. गरम चीजच्या अतिसेवनानेही केस पांढरे होऊ लागतात.

आहारात ‘या’ पदार्थांचा समावेश करा

लिंबू, पेरू, पपई, द्राक्ष, संत्री, बेरी, रताळे यांसारखी फळे खाल्ल्यास शरीराला पुरेसे व्हिटॅमिन-सी मिळेल. याशिवाय पालक, कोबी, ब्रोकोली, टोमॅटो अशा भाज्या खाणे फायदेशीर ठरेल.

(हे ही वाचा: ब्लड शुगर सोबत काजू हाय बीपीही ठेवते नियंत्रित; जाणून घ्या इतर फायदे)

व्हिटॅमिन-सी का आहे महत्त्वाचे?

ज्या लोकांच्या शरीरात व्हिटॅमिन-सीची कमतरता असते, त्यांचे केस अकाली पांढरे होऊ लागतात, केस गळण्याची समस्या दिसून येते. हे जीवनसत्त्वे केसांसाठी आवश्यक घटक असलेल्या कोलेजनच्या निर्मितीमध्येही मदत करतात. व्हिटॅमिन सी केस पातळ होण्यास प्रतिबंध करते, केसांचा पोत सुधारते आणि खराब झालेले केस दुरुस्त करते. हे जीवनसत्व केसांच्या वाढीस देखील प्रोत्साहन देते.