दररोजच्या नाश्त्यात डाळिंब ‘या’ ५ पदार्थांबरोबर खा; फक्त ७ दिवसांत जाणवेल फरक; चेहऱ्यावर ग्लो तर शरीर राहील एकदम फ्रेश

१. डाळिंब खाण्याचे फायदे

एक कप डाळिंबामध्ये व्हिटॅमिन सी, व्हिटॅमिन के, फोलेट आणि पोटॅशियम उत्तम प्रमाणात असते. तणाव, शरीरातील सूज कमी करण्यास आणि रक्तनिर्मिती सुधारण्यासाठी डाळिंब उपयुक्त आहे. अॅनिमियाने त्रस्त असलेल्या व्यक्तींना डाळिंब अमृतासमान ठरते. डाळिंबातील नैसर्गिक घटक आयर्नचं शोषण वाढवतात, ज्यामुळे शरीराला ताजेतवानेपणा येतो.

२. ओट्स

आरोग्यदायी नाश्त्यासाठी ओट्स हा उत्तम पर्याय मानला जातो. बहुतेक जण नाश्त्याला ओट्स नियमित खातात. जर आपण ओट्समध्ये डाळिंबाचे दाणे मिसळले, तर त्याची पौष्टिकता आणखी वाढते. दूध किंवा दह्यासोबत ओट्स आणि डाळिंब मिक्स करून टेस्टी स्मूदी तयार करता येते. यातून शरीराला फायबर, प्रोटीन आणि व्हिटॅमिन्स मिळतात.

३. ॲव्होकॅडो टोस्ट आणि डाळिंब

संपूर्ण धान्याच्या ब्रेड आणि ॲव्होकॅडो टोस्ट हा पौष्टिकतेने परिपूर्ण नाश्ता असतो. यावर डाळिंबाचे दाणे टाकल्यास चव तर वाढतेच, पण फायबर, हेल्दी फॅट्स आणि अँटिऑक्सिडंट्सही शरीराला मिळतात. हा आहार जास्त वेळ पोट भरलेले ठेवतो, त्यामुळे वजन नियंत्रणासाठीही फायदेशीर आहे.

४. बदाम

बदाम हा प्रथिने, हेल्दी फॅट्स आणि ऊर्जा यांचा उत्तम स्रोत आहे. डाळिंब आणि बदाम एकत्र खाल्ल्यास शरीराला नैसर्गिक चमक येते आणि त्वचा तरुण दिसते. दोन्ही पदार्थ मिसळून स्मूदी किंवा शेक तयार करता येतो.

५. पनीर

पनीरमध्ये प्रोटीन भरपूर प्रमाणात असतं. पनीर आणि डाळिंबाची सांगड ही पौष्टिकतेने समृद्ध अशी कॉम्बिनेशन ठरते. यामुळे शरीरातील स्नायूंना बळकटी मिळते आणि हाडे मजबूत होतात. पनीर-डाळिंबाचा सलाड हा चविष्ट तसेच हेल्दी आहार ठरू शकतो.

६. ग्रीक योगर्ट आणि डाळिंब

क्रिमी ग्रीक योगर्टमध्ये डाळिंब मिसळल्यास सकाळचा नाश्ता अधिक संतुलित होतो. यात प्रोटीन, प्रोबायोटिक्स आणि व्हिटॅमिन सी भरपूर प्रमाणात मिळतं. नियमित सेवन केल्यास त्वचेला तजेला येतो, तसेच पचनक्रिया सुधारते.