Rainy Season Health Care Tips : पावसाळ्यात निरोगी राहण्यासाठी ‘या’ चार गोष्टी नक्की लक्षात ठेवा

निरोगी राहण्यासाठी पावसाळ्यात काही गोष्टींची विशेष काळजी घेणे आवश्यक आहे.

Rainy Season Health Care Tips : पावसाळ्यात निरोगी राहण्यासाठी ‘या’ चार गोष्टी नक्की लक्षात ठेवा
कडाक्याच्या उन्हापासून दिलासा मिळण्यासाठी लोक पावसाळ्याची आतुरतेने वाट पाहत आहेत. (File Photo)

कडाक्याच्या उन्हापासून दिलासा मिळण्यासाठी लोक पावसाळ्याची आतुरतेने वाट पाहत आहेत. पावसाळा लवकर यावा, जेणेकरून या कडक उन्हापासून थोडासा दिलासा मिळेल आणि हवामानाचा आनंदही घेता येईल, असे अनेकांना वाटत आहे. पण निरोगी राहण्यासाठी पावसाळ्यात काही गोष्टींची विशेष काळजी घेणे आवश्यक आहे.

खरं तर, मान्सून कधीच एकटा येत नाही, तो सोबत संसर्ग आणि ऍलर्जीसारख्या समस्या घेऊन येतो. कारण उन्हाळ्यात टिकून राहिलेली उष्णता थंड आणि ओल्या हवामानात बदलते. या विषयावर इंडियन एक्स्प्रेसशी बोलताना वोक्हार्ट हॉस्पिटलचे अंतर्गत औषध सल्लागार आणि डॉक्टर अनिकेत मुळ्ये म्हणाले, मान्सूनच्या आगमनापूर्वी, आपले शरीर ऋतू बदलासाठी तयार केले पाहिजे, जेणेकरून आपण कोणत्याही प्रकारचे संक्रमण, अ‍ॅलर्जी आणि रोगापासून स्वतःचे संरक्षण करण्यात यशस्वी होऊ शकता. यासाठी तुम्हाला कोणत्या गोष्टींकडे लक्ष देणे आवश्यक आहे हे जाणून घेणे महत्त्वाचे आहे.

तुम्हालाही छातीच्या उजव्या बाजूला वेदना जाणवतात का? यामागे असू शकते ‘हे’ कारण

पावसाळ्यापूर्वी अशी तयारी करा

  • व्यायाम करा

जेव्हा उन्हाळ्यातील उष्ण हवामान ओले आणि थंड हवामानात बदलते तेव्हा आपण दररोज काही वेळ व्यायाम करणे आवश्यक आहे. यामुळे तुमची प्रतिकारशक्ती वाढण्यास मदत होईल, तुमचे रक्ताभिसरण बरोबर होईल, तसेच हृदयही चांगले काम करेल. यासाठी तुम्ही चालणे, राशी उड्या मारणे, सायकलिंग आणि धावणे यासारख्या व्यायामांचा तुमच्या दैनंदिन दिनचर्येत समावेश करू शकता. डॉक्टरांच्या मते, आठवड्यातून किमान ५ दिवस व्यायाम केल्यास निरोगी आयुष्य जगता येते.

  • निरोगी आहार घ्या

पावसाळा हा सूक्ष्मजीवांच्या वाढीचा काळ असतो, त्यामुळे संसर्ग, ऍलर्जी आणि विषाणूजन्य ताप यासारख्या समस्या वेगाने पसरतात. ते टाळण्यासाठी, आपण निरोगी आहार घेणे महत्वाचे आहे. यासाठी ताजी फळे, भाज्या, संपूर्ण धान्य, शेंगा आणि कडधान्यांचा आहारात समावेश करा. तसेच हळद, आले आणि लसूण यांचा आहाराचा भाग बनवा. निरोगी राहण्यासाठी सकस आहार घेणे आवश्यक आहे, तसेच मसालेदार, तेलकट, जंक, रस्त्यावरील आणि पॅकबंद खाद्यपदार्थांपासून मद्यपान आणि धूम्रपानापासून दूर राहणे आवश्यक आहे. यासोबतच जंतूपासून मुक्त होण्यासाठी भाज्या गरम पाण्याने धुण्यास विसरू नका. अतिसार किंवा अपचनाची समस्या असल्यास ओआरएसचा उपाय करून प्या. हे तुमच्या शरीरातील इलेक्ट्रोलाइट शिल्लक पुनर्संचयित करण्यात मदत करेल.

फ्लश करताना टॉयलेट सीटचे झाकण बंद ठेवावे की उघडे? संशोधनातून समोर आली माहिती

  • शरीर हायड्रेटेड ठेवा

या ऋतूत शरीराला हायड्रेट ठेवण्याचीही गरज असते. यासाठी पुरेसे पाणी प्या, जेणेकरून तुमच्या शरीरातून विषारी पदार्थ बाहेर पडू शकतील. पाण्याशिवाय तुम्ही आल्याचा चहा, ग्रीन टी किंवा कॅमोमाइल चहाचीही मदत घेऊ शकता. हर्बल चहा पोटासाठी चांगला आहे आणि शरीरातील जळजळ कमी करण्यास मदत करू शकते. यासोबतच तुम्हाला हेही लक्षात ठेवावे लागेल की कॉफी, चहा आणि सोडा यांसारख्या पेयांचे सेवन करू नका कारण यामुळे शरीरात डिहायड्रेशन होऊ शकते.

  • दिवसातून दोनदा आंघोळ करा

जास्त घाम येणे आणि ओलाव्यामुळे होणारी घाण यापासून मुक्त होण्यासाठी दिवसातून किमान दोनदा अंघोळ करण्याची सवय लावा. यामुळे तुम्ही इन्फेक्शन आणि अ‍ॅलर्जीसारख्या समस्यांपासून दूर राहू शकाल. कामावरून, ऑफिसमधून किंवा शाळा-कॉलेजवरून आल्यावर आंघोळीसाठी गरम पाण्याचा वापर केल्यास उत्तम. यामुळे तुम्ही इन्फेक्शन आणि अ‍ॅलर्जीपासून बर्‍याच प्रमाणात दूर राहू शकाल, ज्यामुळे तुमचा आजारी पडण्याचा धोका खूप कमी होईल.

मराठीतील सर्व लाइफस्टाइल ( Lifestyle ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Health care tips here are four things to keep in mind to stay healthy during the rainy season pvp

Next Story
Father’s Day 2022: यंदाच्या फादर्स डे ला आपल्या बाबांना भेट म्हणून द्या ‘हे’ खास गॅजेट्स
फोटो गॅलरी