सकाळी दिसतं पोटाच्या कॅन्सरचं “हे” मोठं लक्षण; अजिबात दुर्लक्ष न करता वेळेत जीव कसा वाचवाल? जाणून घ्या

“कर्करोगाच्या सामान्य लक्षणांमध्ये अनावधानाने वजन कमी होणे, पुरेशी विश्रांती घेतल्यानंतरही अत्यंत थकवा जाणवणे, दीर्घकाळ ताप येणे, असामान्य गाठी, सूज येणे, शरीराच्या विशिष्ट भागात तीव्र वेदना, आतड्यांच्या हालचालींमध्ये बदल, त्वचा नेहमीपेक्षा पिवळी किंवा गडद होणे, बद्धकोष्ठता, अतिसार, मलामध्ये रक्त येणे, नाक, तोंड किंवा जवळच्या भागातून अस्पष्ट रक्तस्राव, आवाजात कर्कशपणा, गिळण्यास त्रास होणे, दीर्घकालीन खोकला किंवा जळजळ यांचा समावेश असू शकतो,” असे डॉ. चंद्रा म्हणाले.

ही लक्षणे तुमच्या शरीरात काहीतरी चुकीचे आहे याबाबत सावध करणारी चिन्हे असू शकतात. “या लक्षणांकडे दुर्लक्ष करू नका आणि पुढील निदानासाठी ताबडतोब डॉक्टरांचा सल्ला घ्या. सुरुवातीच्या टप्प्यात कोणताही कर्करोग आढळल्यास जीव वाचू शकतो. ही लक्षणे सौम्य स्वरूपात सुरू होऊ शकतात; परंतु कालांतराने ती तीव्र होऊ शकतात. कर्करोग तुमच्या शरीराच्या सामान्य कार्यात व्यत्यय आणतो आणि जळजळ निर्माण करतो,” असे डॉ. चंद्रा म्हणाले.

सामान्य लक्षणे

वजन कमी होणे :

कोणत्याही स्पष्ट कारणाशिवाय तुमच्या वजनाच्या १० टक्क्यांपेक्षा जास्त वजन कमी होणे, असे डॉ. गोयल यांनी नमूद केले.

थकवा : सतत थकवा येणे, जो विश्रांतीनेही कमी होत नाही.

वेदना : शरीराच्या कोणत्याही भागात सतत वेदना.

भुकेत बदल : अचानक कमी होणे किंवा भुकेत लक्षणीय बदल.

मळमळ आणि उलट्या : सतत मळमळ किंवा उलट्या.

सकाळी दिसतं पोटाच्या कॅन्सरचं ‘हे’ मोठं लक्षण

आतड्यांसंबंधी सवयींमध्ये बदल : सतत अतिसार, बद्धकोष्ठता किंवा सकाळी सकाळी मलाच्या स्वरूपात बदल, जे काही आठवड्यांपेक्षा जास्त काळ टिकतात.

काळे मल: बहुतेक लोक सकाळी उठल्याबरोबर शौचास जातात आणि हे लक्षण सकाळी दिसून येते. काळे मल हे पोटाच्या कर्करोगामुळे होते. जर वरीलपैकी काही लक्षणांसह हे लक्षण दिसून आले, तर डॉक्टरकडे जा.

गाठी किंवा सूज : स्तन किंवा शरीराच्या इतर भागांमध्ये असामान्य वाटणारी किंवा आकारात वाढणारी कोणतीही गाठ किंवा सूज.

बरे न होणारे अल्सर : त्वचेवर किंवा तोंडावर फोड किंवा अल्सर, जे कालांतराने बरे होत नाहीत.

इतर लक्षणे

मूत्राशयाच्या सवयींमध्ये बदल : लघवी करताना वेदना किंवा लघवीत रक्त येणे.

मासिक पाळीतील अनियमितता : मासिक पाळीच्या पद्धतींमध्ये अस्पष्ट बदल किंवा असामान्यपणे जास्त रक्तस्राव.

खोकल्यातून रक्त येणे : थुंकीत रक्त येणे किंवा सततचा खोकला, जो कालांतराने वाढत जातो.

गिळण्यास अडचण: अन्न किंवा द्रव गिळताना वेदना किंवा अडथळा.

आवाजात कर्कशपणा: आवाजाच्या स्वरात सतत बदल किंवा कर्कशपणा, कोणतेही स्पष्ट कारण नसताना.

अपचन किंवा खाण्यात अडचण: अन्न खाताना किंवा पचवताना दीर्घकाळ अस्वस्थता किंवा वेदना.

असामान्य रक्तस्राव: मासिक पाळीदरम्यान रक्तस्राव, गुदाशयातून रक्तस्राव किंवा शरीराच्या कोणत्याही भागातून असामान्य स्राव.

ही लक्षणे केवळ कर्करोगापुरती मर्यादित नाहीत आणि इतर आरोग्य स्थितींमुळे उद्भवू शकतात, असे डॉ. गोयल म्हणाले.

त्यामुळे या सुरुवातीच्या लक्षणांना ओळखणे आणि वेळेवर डॉक्टरांचा सल्ला घेणे आवश्यक आहे. जर तुम्हाला कोणतीही सतत किंवा असामान्य लक्षणे जाणवत असतील, तर नेहमीच डॉक्टरांचा सल्ला घ्या, डॉ. गोयल म्हणाले.